27 апрель – Татарстанда урман утырту көне дип игълан ителде. Матур традициягә әйләнгән әлеге эшкә бүген мәктәбебез укучылары да актив кушылдылар.

Тукай! Бу исем бик җылы булып безнең күңелләргә мәңгелеккә урнашкан. Гомер буе ул безнең йөрәк түребездә идеал булып саклана, сүнмәс йолдыз булып балкып тора. Безнең күңелләрдә туган илгә, туган халыкка, туган телгә мәхәббәт хисе әнә шулай Тукай исеме белән бергә туа.

26 нчы апрель көнне авыл китапханәсе һәм мәдәният йорты белән берлектә "Тукай безнең күңелләрдә" дип исемләнгән әдәби кичә уздырылды.Г.Тукайның кыскача биографиясе белән таныштырылды. Укучылар арасында шагыйрьнең шигырьләрен сәнгатьле укучылар бәйгесе уздырылды. Кичә "Туган тел" җыры белән тәмамланды.

Балалар китабы озак еллар буена киләчәк буынны тәрбияләү чарасы, тормышта дөрес юнәлеш сайлау өчен маяк булып тора. Китап укып үскән баланың күңеле чиста, уйлау сәләте югары дәрәҗәдә була.

Шаршады авыл китапханәсендә мәктәп укытучылары белән берлектә укучылар өчен мәгълүмат сәгате уздырылды. Балаларны китап укуга тарту максатыннан авыл китапханәсе мөдире Балалар өчен яңа китаплардан гына торган китап күргәзмәсе эшләп куйды. Китапханәгә килгән балаларны әлеге китаплар белән таныштырды. Укучылар ошаткан китапларын өйгә укырга алдылар.

УВАЖАЕМЫЕ РОДИТЕЛИ!

Управление на транспорте МВД России по Приволжскому Федеральному округу выражает озабоченность сложившейся ситуацией по фактам гибели детей на объектах железнодорожного транспорта. Трагические случаи травмирования подростков произошли по причине прослушивания музыки в наушниках, лишив возможности объективно оценивать обстановку и своевременно отреагировать на приближение подвижного состава.

Наши дети находятся в зоне риска независимо от того проживают они вблизи железной дороги, или в удалении от объектов повышенной опасности. У тех, кто каждый день пересекает железную дорогу, может притупляться чувство опасности, а те, кто первый раз на этих объектах, часто не знают элементарных правил безопасности.

Бүген бездә зур бәйрәм- Әлифба һәм Азбука бәйрәме. 1 сыйныф укучылары яраткан дәреслекләре Әлифба һәм Азбука белән саубуллашалар. Алар барысы да укырга, язарга, матур итеп сөйләргә, әдәпле, тәртипле булырга өйрәнделәр.

Бу бәйрәм барыбызның да уртак бәйрәме. Сез дә хөрмәтле әти-әниләр балаларыгыз белән өр-яңадан башлап тагын бер кат Әлифбаны, Азбуканы укып чыктыгыз. Бик зур рәхмәт сезгә! Бәйрәмебез котлы булсын! Тагын шундый бик күп, бик күп хезмәт уңышларын бәйрәм итәргә насыйп булсын!

В соответствии с письмом Министерства информатизации и связи Республики Татарстан от 06.03.2019 № 6-09/1453 Министерство образования и науки Республики Татарстан информирует о необходимости проведения информационно-разъяснительной кампании среди жителей Республики Татарстан по подготовке к переходу на цифровое телевидение.

Әниләребез!Рөхсәт итегез укучылар, укытучылар исеменнән кадерле, хөрмәтле, газиз әниләребезне чын күңелдән Аналар көне белән тәбрик итәргә. Әниләр, әнкәйләр, сез бит бу җиргә җылылык таратучылар. Изге теләкләребезне җиткерәсебез килә: саулык – тазалык, имин тормыш, гаилә бәхете, балалар шатлыгы телибез. Тормыш юлларыгыз сикәлтәсез булсын, йөрәкләрегездән өзелеп төшкән балаларыгызның игелеген күреп – бәхеттә, шатлыкта яшәргә язсын.

       Тарихка күз салсак, Ватанны саклаучылар көне - 1922 елның 23 февраленнән РСФСРда Кызыл Армия һәм Флоты көне буларак билгеләнә башлый. 1946 елдан 1993 елга кадәр ул Совет Армиясе һәм Хәрби-Диңгез флоты көне буларак бәйрәм ителә. СССР таркалганнан соң әлеге бәйрәм Ватанны саклаучылар көне буларак билгеләнә һәм 2002 елдан бирле әлеге көн ял көне санала.

        Һәр ел бу бәйрәмгә безнең балалар әтиләр, бабайлар, абыйлар хөрмәтенә бәйрәм ясыйлар, бүләкләр тапшыралар,эчтәлекле шигырьләр сөйлиләр.

        Әтиләре, абыйлары үрнәгендә патриотик рухта тәрбияләнгән яшь егетләребезгә, хәрби хезмәтләрен үтәгәндә, туган якта калган якыннарының тынычлыгын саклап, үзләрен яхшы яктан гына күрсәтерләр, дигән ышаныч белдерәбез.

         Ватан алдындагы изге бурычларын үтәүче барлык ир-егетләрне, хәрби хәрәкәтләрдә катнашучыларны, хәрби хезмәткә хәзерләнүче барлык ир-егетләрне Ватанны саклаучылар көне белән чын күңелдән котлыйбыз. Күк йөзе һәрчак аяз булсын. Сезгә һәм гаиләләрегезгә тыныч тормыш, ныклы сәламәтлек, бәхет, муллык, һәр эшегездә уңышлар телибез.