Бүген Девятерня авыл мәдәният йортында Бөек Ватан сугышы һәм тыл ветераннары белән очрашу булды. Очрашуда 5-11 нче сыйныф укучылары да  катнашты. Кичә барышында ветераннарга Бөек Җиңүнең 70 еллыгы уңаеннан юбилей медальләре тапшырылды.

Бүген  мәктәпкәчә балалар төркемендә әти-әниләр өчен бәйрәм кичәсе булды. Әтиләрне - Ватанны саклаучылар көне, әниләрне - 8 нче март бәйрәме белән котлап, балалар шигырьләр сөйләделәр, җырлар җырладылар, биеделәр, "Өч кыз" әкиятен сәхнәләштерделәр. Булачак солдатлар сорауларга җавап бирделәр, бәйгеләрдә көч сынаштылар. Аларга тәрбияче апалары медаль тапшырды. Кичәдә мәктәп директоры, әти-әниләр дә катнашты. Соңнан балалар әти-әниләренә үз куллары белән ясалган бүләкләрен тапшырдылар.  Кичә бик күңелле үтте.

27 нче февраль көнне Түбән Кама шәһәрендә Кече яшьтәге мәктәп балаларының “Фәнгә беренче адымнар” дип аталган VI  Республика эзләнү-тикшеренү һәм проектлар конкурсы үткәреле. Безнең мәктәпнең 3 нче сыйныф укучысы Шәрипов Айбулат һәм 4 нче сыйныф укучысы Габбасова Лиана бу конкурста үзләренең эзләнү- тикшеренү эшләре белән катнаштылар. Шәрипов Айбулат катнашучы сертификатына, ә Габбасова Лиана I Дәрәҗә дипломга лаек булды.Әфәрин, укучылар!

Бүген мәктәбебездә 9 нчы сыйныф укучылары тарафыннан бәйрәм концерты булды. Бүгенге көндә Армия сафларында хезмәт итүчеләрне, укучы ир-егетләрне, укытучы абыйларны, хезмәткәрләрне Ватанны саклаучылар көне белән котлап, изге теләкләрен юлладылар. 

Ватанны саклаучылар көне уңаеннан мәктәптә "Ягез әле, егетләр!" бәйгесе булып узды.  Егетләр төрле ярышларда көчләрен сынаштылар, кызлар аларга көч биреп, уңышлар теләделәр. 10 нчы сыйныф укучысы Рамазанов Айнур җиңүче булды. Котлыйбыз!

Бүген мәктәбебездә "Хәтерләрдә мәңге сакланыр" дип аталган баш астында Бөек Җиңүнең 70 еллыгына багышланган шигырь бәйгесе үтте. Укучыларның тематик шигырьләрне яттан сөйләүләре сугыш каһарманнарына дан җырланган әлеге чараның әһәмиятен тагын да арттырды. Алар моңа лаек! Класс сәгате бик файдалы, тәрбияви узды.

Мәктәптә узучы патриотик айлык кысаларында һәм Бөек Җиңүнең 70 еллыгын каршылап, бүген укучылар тарафыннан эшләнгән Сугышчан битләрне яклау булды. Әлеге битләрдә сугыш михнәтләрен күргән ветераннар, Бөек Җиңүгә үзләреннән зур өлеш керткән тыл хезмәтчәннәре тормышы сурәтләнгән, безгә якты киләчәк бүләк иткәннәре өчен дан җырланган, бүгенге көндә ил тынычлыгын саклаучылар да искә алынган. Укучылар эзләнү эшләре алып барганнар, бүгенге солдатдар белән дә  элемтәгә кергәннәр. 

Бүген авыл мәдәният йортында укучылар тарафыннан әзерләнгән "Туган ягым - гөлләр иле" темасына рәсем, кул эшләре күргәзмәләре, шулай ук ярминкәдә сату оештырылды. Күргәзмәләрне әзерләүче укытучылар Габбасова Г.Г., Муратова Г.Г., Шакирова З.Х.ларга, ярминкәне оештырган класс җитәкчеләренә рәхмәт белдерәбез. Укучылар бик актив катнашты, ярминкәдән сатып алучы авыл кешеләре дә кәнагәть калдылар.

В целях пропаганды физической культуры, популяризации спорта и усиления физкультурно-спортивной работы среди работников образования 24 января 2015 года на базе средней общеобразовательной школы № 2 г.Агрыз прошел II этап Спартакиады работников образования. В программу были включены такие виды спорта как дартс, игра в шахматы, теннис, отжимание, перетягивание каната, шорт-трек.

Бүген мәктәбебездә Бөек Җиңүнең 70 еллыгы уңаеннан һәм ГТО нормалары тапшыру кысаларында укучылар арасында гомуми физик әзерлек буенча мәктәп беренчелеге булып узды.