Бүген мәктәбебездә башлангыч сыйныф укучылары тарафыннан әзерләнгән "Балачакта калам" исемле бәйрәм концерты булды. Яз һәм хезмәт бәйрәменә  багышланган әлеге кичәне оештыручыларга - башлангыч сыйныф укытучыларына, укучыларга зур рәхмәт белдерәбез. Барыгызны да бәйрәм белән котлыйбыз!

28нче апрель  көнне мәктәпнең 9нчы сыйныф укучысы Габбасова Лилия Казан шәһәренең  Совет районы 20нче гимназиясендә “Алиш эзләреннән” дип исемләнгән  I төбәкара фәнни-гамәли конференциянең йомгаклау  тантанасында  булып кайтты.  Бәйрәмдә катнашкан күренекле язучылар, галимнәр, шагыйрьләр һәм шагыйрәләр белән очрашу насыйп булды. Ул,   “Шигърият бакчасында” секциясенең I турында җиңеп, лауреат исемен яулады, диплом һәм истәлекле бүләкләргә лаек булды, Лилиянең шигырьләре “Алиш эзләреннән” дигән җыентыкка кертелде.

Бүген укучылар ТИН укытучысы Муратов К. җитәкчелегендә авыл үзәгендәге Бөек Ватан сугышы каһарманнары истәлегенә салынган һәйкәл тирәсен җыештыруда катнаштылар. 

Шулай ук мәктәп яны территориясен чистарту буенча өмә дә оештырылды.  Барлык укучылар, укытучылар, хезмәткәрләр өмәдә актив катнаштылар.

Бүген - игелекле хезмәт күрсәтү көне.

Укучылар тарафыннан аерым фәннәрне авыррак үзләштерүче укучыларга репетиторлык ярдәме оештырылды. Укучылар үзләрен кызыксындырган сорауларга бергәләп җавап эзләделәр.

Укучылар тарафыннан оештырылган "Игелеклелек ярминкәсе" дә бик оешкан төстә үтте. Өйдән алып килгән чәй тәмнәре белән сыйлану барлык укучыларга да ошады. 

Бүген мәктәпкәчә яшьтәге балалар төркемендә Габдулла Тукай туган көнгә багышланган "Без - Тукай оныклары" дип исемләнгән чара үтте. Балалар Тукай әкиятләренә ясаган рәсемнәрдән күргәзмә оештырылган иде. Кичәдә  балалар Габдулла Тукай шигырьләрен сөйләделәр, әкият геройлары булып киенеп театральләштерелгән тамаша күрсәттеләр, җырлар җырладылар, биеделәр. Чарада катнашкан башлангыч класс укучыларына, тәрбиячеләр Фархушина Г.И.га, Габдрахманова И.И.га тамаша карарга килгән әти-әниләр күңелле кичә өчен рәхмәт белдерделәр.

"Игелеклелек маршы" акциясе кысаларында бүген мәктәптә балалар бакчасы төркеменә, балалар йортларына, күп балалы гаиләләргә бирү өчен китаплар җыю оештырылды. Җаваплы: китапханәче, класс җитәкчеләре.

Шулай ук "Яхшылыкка һәрвакыт урын бар" темасына укучылар язган иншалар күргәзмәсе оештырылды. Җаваплы: тел фәннәре укытучылары, "Булачак журналист" түгәрәге җитәкчесе.

Бүген оештырылган чараларда катнашучыларга рәхмәт белдерәбез.

Бүген дәресләрдән соң һәр класс үзенә беркетелгән сугыш һәм тыл  ветераннарының өйләрендә булды. Өйдән алып килгән чәй тәмнәреннән өстәл әзерләп, чәй өстәле янында өлкәннәргә концерт номерлары күрсәтелде. Ветераннарга Георгий ленталары таратылды. Укучылар шулай ук ишек алларын, капка төпләрен чистартырга булыштылар. Җаваплы класс җитәкчеләренә оештырылган тимурчылык өчен рәхмәт белдерәбез.

2-день: «Рука в руке»

По плану сегодня была представлена телепередача на тему: «Дружба, мир и согласие между народами», организованная учащимися  10-класса, членами кружка "Иҗади гөлбакча”. Отв. классный руководитель Даутова А., рук.кружка Шарипова Г.

В течение дня состоялся флешмоб, где учащиеся 9, 10, 11 классов, члены кружка  “Я и моё здоровье” представили всему коллективу школы свое выступление. Учащиеся школы охотно участвовали в данном мероприятии. 

Также были организованы конкурс рисунков «В мире прекрасного», выставка, организованная членами кружка  "Волшебница".

Руководителям кружков, классным руководителям выражаем благодарность за организацию мероприятий.