Бөек Җиңүнең 69 еллыгы уңаеннан авыл мәдәният йортында бәйрәм тантанасы булып узды. Митингтан соң авылдашлар истәлегенә куелган һәйкәлгә веноклар салынды. Сугыш һәм тыл ветераннары өчен укучылар тарафыннан концерт куелды. 

21-26 нчы апрель көннәрендә мәктәбебездә Татар теле атналыгы үтте. Атналык кысаларында Г.Тукайга багышланган викторина, бәйгеләр, класс сәгате уздырылды. Атналыкка йомгак ясап, бүген "Татар кызы" бәйгесе үтте. Кызлар әлеге бәйгедә бик теләп катнаштылар, алар төрле сынауларны уңышлы үттеләр, барсы да җиңүче исеменә лаек булдылар. 

Учащиеся нашей школы Шарипова Гулина (рук. Шайхутдинов И.Н.), Арсланова Тансылу (рук. Даутова А.Ф.) приняли участие в очном этапе  XV республиканского фестиваля исследовательских работ учащихся 9-11 классов  "Паруса науки", который состоялся в Городском дворце творчества детей и молодежи №1 г.Наб.Челны.

Бүген  укучылар, укытучылар, техник хезмәткәрләр катнашында мәктәп территориясен чистарту буенча өмә уздырылды. 8-класс укучылары Татарстанда Агач утырту көне кысаларында авылыбызның үзәк урамында урнашкан Бөек Ватан сугышында катнашучылар истәлегенә куелган һәйкәл янына агачлар утыртуда катнаштылар.

Мәктәбебез укучылары Иж-Бубый мәктәбендә узган укучыларның мәгърифәтче Бубыйлар истәлегенә багышланган төбәкара укуларында катнаштылар: 6-сыйныфтан Шаяхметова Илнара (җитәкчесе Муратов К.Н.), Шакирова Алия, 8-сыйныфтан Фаррахова Алсу (җитәкчеләре Шайхутдинов И.Н.). Укучылар төрле номинацияләрдә чыгыш ясап, эзләнү эшләрен якладылар, авыл музеена сәяхәт кылдылар.

Ученица 8-класса Габбасова Лилия участвовала на XII республиканской научно-практической конференции школьников имени Л.Н.Толстого, которая состоялась в г.Казань (руководитель Муратова Г.Г.). 

Хөрмәтле гүзәл затларыбыз - укытучылар, тәрбиячеләр, техник хезмәткәрләр, укучылар!

Сезне барыгызны да язның беренче бәйрәме - 8 март белән котлыйбыз!

Бәйрәм уңаеннан 8 нче класс укучылары тарафыннан әзерләнгән концерт булып узды. Эчтәлекле, күңелле ял концерты барлык тамашачыларга да ошады. Концерт әзерләүдә катнашкан укытучыларга, укучыларга зур рәхмәт! 

Мәктәптә Ватанны саклаучылар көне уңаеннан 9нчы сыйныф укучылары тарафыннан тирән эчтәлекле концерт булды. Концертта әтиләргә, абый-укытучыларга, малай-егетләргә изге теләкләр, дәртле биюләр, солдат тормышын чагылдырган мәзәкләр, эчтәлекле котлау шигырьләре, җырлар яңгырады.

Хәрби-патриотик айлык кысаларында 6-9нчы сыйныф егетләре арасында “Ягез әле, егетләр!” бәйгесе булды. Бәйгедә егетләр үзләренең армия сафларына әзерлекләрен күрсәттеләр. Төрле сынауларны уңышлы үтеп, 9нчы сыйныф укучысы Габдрахманов Рәнис беренчелекне яулады. Әфәрин, Рәнис!

15нче февраль – Герой-шагыйрь Муса Җәлилнең туган көне уңаеннан “Муса, синең җырың мәңге үлемсез!” дигән кичә үтте. Кичәдә каһарман шагыйрьне искә алып, укучылар аның турында чыгышлар ясадылар, шигырь-поэмаларын сәхнәләштерделәр.