«Йөзгә бер» 6 нчы А һәм 7 нче А сыйныфларының рус төркемнәрендә укучы балалар өчен интеллектуаль уен.

Уенның максаты: 1. Укучыларның иҗади фикер йөртү сәләтләрен үстерү.

2. Коллективта ирекле аралашу атмосферасы тудыру, монологик – диалогик сөйләмне ныгыту.

3. Иптәшләреңә, әти-әниеңә, өлкәннәргә яхшы мөгаләмәдә булырга өйрәтү, изгелек эшләргә омтылыш тәрбияләү.

Җиһазлау: интерактив такта, компьютер.

Уенны оештыру: Бу уен «Сто к одному» телевизион уенына нигезләнеп төзелде. Укучыларның яшь үзенчәлекләрен

 исәпкә алып, уен гадиләштерелде. Мәктәп укучылары арасында алдан сораштыру үткәрелеп,

 әлеге җаваплар уенда кулланылышка кертелде.

 Уенда 6 нчы һәм 7 нче сыйныфларының рус төркемендә укучы балалары катнаша.

Сораулар ике командага да бирелә, җавап бирү чират буенча башкарыла.

Команданың җавабы сораштыруда катнашкан укучыларның җаваплары белән туры килсә,

экранда алар очко белән күрсәтелә. «Йөзгә бер» уены 4 этаптан тора.