Башланды! Җәй дәвамында тын торган мәктәп залларын бүген каникулдан соң мәктәпкә җыелган балаларның шат авазлары яңгыратты. Белем көненә багышланган чарада ата-аналар белән беррәттән, шәһәр һәм район администрациясе вәкилләре, җирле үзидарә җитәкчеләре, ветеран укытучылар, мәктәпне төрле елларда тәмамлаган укучылар да катнашып, яңа уку елы башлану уңаеннан укучыларга һәм укытучыларга үзләренең бәйрәм тәбрикләүләрен, матур теләкләрен җиткерделәр.

   Беренче сыйныфка кабул ителүчеләргә (алар быел алтау) педагогик хезмәт ветераны Ольга Григорьевна Белышеваның чыгышы белем иленә юл фатихасы булып яңгырады.