Әфганстан җиреннән Совет гаскәрләрен чыгаруга 25 ел вакыт үтеп китте. Бу вакыт эчендә бик күп үзгәрешләр булды, хәрби хәрәкәткә карата да төрле фикерләр ишетелде. Шуңа карамастан, илебезнең күпме яшь улларының гомерен өзгән сугыш халкыбызның күңелендә төзәлмәслек яра булып саклана. 

Бүген безнең мәктәптә Әфган сугышы кырында ятып калучыларны һәм катнашучыларны искә алу кичәсе узды.  Кичәгәсугышчы- интернационалистлар Файрушин Рәкыйф Риян улы, Сапогов Владимир Николаевич, Хасанов Фәнис Вәгыйз улы килгәннәр иде. Алар үзләренең солдат хатирәләре белән  уртак­лаштылар, армиягә кит­кән көннәрен,  бергә хезмәт иткән иптәшләрен искә төшерделәр. Аларның бер­сеннән дә солдат хезмәтеннән зарлану, тормыш авырлыкларына сукрану кебек сүзләр ишетелмәде. Киресенчә, һәр туган көнгә сөенеп, үз авылыбыз, мәктә­бе­без белән горурланып яшәр­гә чакырды алар укучылар­ны. Кичәне тарих укытучысы Салимов Илгиз Хәлим улы оештырды.