Лагерьда көн арты көн үтсә дә, һәр көн күңелдә истәлекләре белән уелып кала. Көннәр эш белән генә үтми, күпме күңелле чаралар да үткәрелә. Бүген дә көннең икенче яртысында "Бантиклар көне" үткәрелде. Балалар бер-берсенә төрледән-төрле прическалар ясадылар, матур-матур бантиклар куйдылар. Һәркемнең башкалардан аерылып торасы, күз явын алырлык чибәр буласы килә. Бу бәйгедә кызлар гына түгел, малайлар да бик теләп катнаштылар. Көнебез күңелле үтте.  

   Санаулы көннәр генә калса да, балалар лагерьга бик теләп йөриләр, тырышып эшлиләр, ял да итә беләләр. Бүген дару үләннәре белән таныштык, аларны дөрес кулланырга өйрәндек. 

   Җәйге яллар күңелле булса да, күңелсезлекләр дә сагалап торырга мөмкин. Шуңа күрә көн саен балаларга куркынычсызлык кагыйдәләре аңлатып барыла. Бүген игътибарны күбрәк су буйларында һәм сулыкларда була торган куркынычсызлык кагыйдәләренә юнәлттек. Сулыкларда үз-үзеңне тоту кагыйдәләрен өйрәндек. Ялгыз гына су буйларына, табигатькә чыгып китмәскә, кирәк вакытта ярдәм кулы сузарга икәнне һәрвакыт истә тотыйк. 

    Лагерьның санаулы көннәре генә калып бара. Һәр көнебез режим буенча үтә.

    1941 нче ел 22 нче июнь - сугыш башланган көн. Бу сугыштан күпме ватандашларыбыз туган якларына әйләнеп кайта алмый. Без дә бу көнне игътибарсыз калдырмадык. Иртәнге якта һәйкәл янында чистарту, җыештыру эшләре белән шөгыльләндек.  Көндезге аштан соң Билгесез солдат һәйкәле янында сугышта һәлак булган һәм хәбәрсез югалганнарны бер минут тынлык белән искә алдык. "Беркем дә, бернәрсә дә онытылмый" дигән темага әңгәмә үткәрдек.

    Лагерьда хезмәт һәм ял бергә үрелеп бара. Иртәбез гадәттәгечә башланып китте. Техника, пожар  куркынычсызлыгы, юлда йөргәндә, су буйларында нинди кагыйдәләр үтәргә кирәклеге аңлатылды. Ә инде көннең икенче яртысында "Без наркотикларга каршы" темасына әңгәмә үткәрелде. Балалар үзләренең сәламәт яшәү рәвеше яклы булуларын дәлилләп плакатлар, рәсемнәр ясадылар.

    Бүген лагерьда күп эшләр эшләнде. Көндәлек режим буенча  зарядка, линейка, иртәнге аштан соң балалар мәктәп бакчасында, чәчәклектә берсеннән берсе уздырып эшләделәр. Көндезге аштан соң көнебезне спортка багышладык. Балалар төрле спорт төрләрендә үзләренең көчләрен сынадылар. Уеннар күтәренке кәеф белән бик матур үтте. Командалар арасында очколар тигез булып, дуслык җиңде. 

    Бүген балалар бакчада аеруча тырышып эшләделәр. Көннең икенче яртысында "Космос" яшьләр үзәге хезмәткәрләре балаларны күңелле ял иттерергә кунакка килделәр. Балалар өчен кызыклы уеннар үткәрделәр, батут алып килгәннәр. Балалар рәхәтләнеп уйнадылар, ял иттеләр, соңыннан мультфильм карадылар. Бу чараны оештыручыларга, үткәрүчеләргә бик зур рәхмәт.

    Бүген лагерьда хезмәт десантыннан соң көнебез, "Юлда балалар куркынычсызлыгы" акциясе кысаларында, юл йөрү кагыйдәләренә багышланды. Балалар юлда йөрү кагыйдәләрен, юл билгеләрен искә төшерделәр. Соңыннан ике команда арасында викторина үткәрелде. Балалар бик актив булдылар. Бер-берсен уздырып сорауларга җавап бирделәр. Рәсем конкурсы һәр баланың күңеленә хуш килде. Ахырдан җиңүчеләр билгеләнде. 

    Иртәдән үк көн матур. Күктә кояш елмая. Безнең дә күңелләр әнә шул кояшлы, ямьле көн кебек. Иртәнге линейкада террорчылык һәм экстремистлык кебек куркыныч хәлләргә юлыкмас өчен нинди кагыйдәләрне истә тотарга кирәклеге аңлатылды.

      Көннең беренче яртысы гадәттәге тәртиптә үтте. Балалар мәктәп территориясендә, бакчада тырышып эшләделәр. Көндезге аштан соң җырга, моңга осталыкны белү максатыннан "Көйне, җырны таны" уены үткәрелде. Иң күп җыр, көй танучылар билгеләнде. 

   Түгәрәк эшләре мәктәптә лагерь вакытында да туктап тормый. Бүген "Кояшкай" лагеренда ял итүче балалар төшке аштан соң "Серле кәгазь" түгәрәге җитәкчесе Хәбибуллина Рәмилә Равил кызы җитәкчелегендә кәгазьдән кәрзин үрделәр. Менә нинди уңган һәм тырыш балалар җыелган лагерьга. 

    Көн арты көн сизелми дә үтә тора. Менә бүген лагерьда тугызынчы көн. Һәр иртә линейка, зарядка белән башланып китә. Ә аннан соң балалар көч туплап эшкә чыгарга иртәнге аш ашап алалар.

    Иртәнге якта балалар мәктәп бакчасында, чәчәклектә чүп үләннәре утадылар, аларга су сиптеләр. Хезмәт белән ял чиратлашып бара. Эштән туктауга саф һавада спорт уеннары уйнадылар.