Җиңү көне! Бу сүз һөркайсыбыз өчен дә чиксез кадерле. Җиңү! Ул кешелеккә җирдәге тормышны саклау өчен кирәк иде. Шуңа да 1945 нче ел истәлеге- тормышның үзе кебек мәңгелек.

Бөек җиңүгә 73 ел узды, тагын бик күп дистә еллар үтәр, буын арты буын алмашыныр, ләкин Бөек Җиңү һәм шушы Җиңүне яулаган какшамас фронт һәм тыл каһарманнарының якты истәлеге халык күңелендә мәңге яшәр.

Укучылар тыл ветераннарның өйләрендә булып бәйрәмгә чакыру һәм бәйрәм белән котлау открыткалары тараттылар.

Кайтмаганнар 

Уйда сакланалар, 

Җырда ятланалар

Кайтмаганнар...

Исемнәре данга төрелгәнгә

Һәйкәл булып басты 

Кайтмаганнар!

Баш иябез сезгә, каһарманнар! 

Бу язгы бәйрәм һәрвакыт яңарыш, якты өметләр, үзара ярдәмләшү һәм бердәмлек билгесе булып торды һәм шулай булып кала. Тынычлык, хезмәт, бер-береңә хөрмәт – тормышта мәңге үзгәрмәс кыйммәтләр.

Әлифба:

Китәм сездән, балалар,        

Шатланып, горурланып.

Укуның да, язуның да

Төп нигезен бирдем дип.

     27 нче апрель көнне Туган тел атналыгы кысаларында Тукай әкиятләре буенча рәсем конкурсы үтте.

Бүген мәктәптә татар халкының бөек шагыйре Габдулла Тукайның тууына 132 ел тулу уңаеннан “Тукай безнең күңелләрдә” исемле әдәби кичә үтте. Кичәдә  шагыйрьнең әкиятләре сәхнәләштерелде. Балалар Г.Тукайның әкият геройларын бик оста башкардылар.

Кичәне 5-9 нчы сыйныф укучылары белән татар теле һәм әдәбияты укытучысы Мурзина Г.М. әзерләде.

 Җырлары белән мәңгегә

 Йөрәккә керде Тукай.

 Иң матур моңлы җырларын

 Халкына бирде Тукай.

Татар халкының бөек улы, шагыйрь Габдулла Тукайның тууына 132 ел тулу уңаеннан китап күргәзмәсе оештырылды.

Авыл китапханәсендә Айгөл Әхмәтгалиеваның "Мин гашыйк булдым" китабына презентация булды.Анда безнең мәктәпнең 7 сыйныф укучылары чыгыш ясады