4-нче февраль көнне, бездә “Безнең фикер” проекты җитәкчесе Ләйсән Минуллина булды. Ул татар телендәге дебатлар лигасының күнекмәсен уздырды, дебатларның кагыйдәләре белән таныштырды. Уен ике якның регламентлы бәхәсе форматында бара. Беренче як ниндидер бер резолюция яклы, икенчесе, киресенчә, аларга каршы торырга тиеш. Дебатлар фикер йөртергә, уйларга, предметны мизгел эчендә төрле яктан объектив бәяләргә, аның уңай һәм тискәре якларын билгеләргә ярдәм итә. Уен күзаллауны һәм эрудицияне киңәйтә, илдә, дөньяда булган яңалыклардан хәбәрдар булырга куша. Парламент дебатлары – халык алдында чыгыш ясарга өйрәнү өчен менә дигән мөмкинлек. Ул үз позициядә нык торырга, тыңлаучыларны ышандырырга өйрәтә.

“Сез халык алдында чыгыш ясау буенча чагыштырып булмаслык тәҗрибә алачаксыз, белем дәрәҗәгезне арттырачаксыз, яңа танышларыгыз барлыкка киләчәк” диде Ләйсән апа. Ахырда Яшел Үзән Клубына чакыруыбызга рәхмәтен белдерде: “Алда да шулай актив Һәм бердәм булып эшлик” диде.

Без дә Сезнен белән яңа очрашулар көтеп калабыз.

27 нче февраль көнне Бөек шагыйрь Муса Жәлилгә багышланган кичә булып узды. Кичә бай эчтәлекле узды. Балалар герой - шагыйрь Муса Жәлилнең тормыш юлы hәм иҗаты белән таныштылар, сәнгатьле итеп шигырь сөйләделәр, шагыйрь иҗатына hәм батырлыгына карата хөрмәт, горурлану хисләре уяттылар.

16 нчы февраль көнне мәктәптә “Смотр строя и песни” дигән бәйге узды. 2-10 нче сыйныф укучылары бу көнне үзләрен  чын солдатлар итеп күрсәттеләр.һәр сыйныф үз җырын әзерләгән иде. Бәйгенең нәтиҗәләре 21 нче   февраль көнне билгеле булачак.