6.04.16. Г.Тукайның тууына 130 ел уңаеннан, 7а сыйныф укучылары  Казанга театрга бардылар.  Р.Батулла әсәре буенча куелган “Зәйтүнәкәй” музыкаль драманы Г.Кәриев труппасы артистлары бик матур һәм үзәк өзгеч итеп уйнадылар.

     6.04.16. Сәнгать атналыгы кысаларында гимназиянең башлангыч сыйныф укучылары  һәм музыка укытучысы музыкаль журнал оештырдылар.  Укучылар Г.Тукайның шигырьләренә язылган җырларын башкардылар.

6 апрель көнне гимназиядә “ Без ГТО нормаларын тапшырырга әзер” дигән тема астында сыйныф сәгатләре уздырылды. Укучылар тагын бер тапкыр ГТО спорт комплексының әһәмияте, нормативларны тапшырырга ничек әзерләнергә кирәклеге, үзләренең уку елы дәверендә нинди күрсәткечләргә ирешкәннәре турында сөйләштеләр.

      Бөек шагыйребез Габдулла Тукайның юбилена багышланган эшләребез дәвам итә. 7 нче апрель көнне 6а һәм 6в сыйныфлары арасында “Тукай урманында” исеме астында КВН үткәрелде. Укучылар Г.Тукайның тормышын, иҗатын кабат искә төшерделәр һәм ныгытттылар.  

   4 апрель  көнне  Осиново  гимназиясенең 5В  сыйныф  укучылары  “Мин  татарча  сөйләшәм”  акциясен  дәвам итеп, татар  теле  укытучысы  белән  “Чәк- чәк”, “Пятёрочка”  кибетләренә  бардылар.Укучылар   сатучылар  һәм  сатып  алучылар  белән  татарча  аралаштылар. Бу   конкурста   катнашу  балаларның  үзләренә  дә  бик  ошый. Акция  дәвам  итә!!!

  02.04.16. 7а сыйныф укучылары “Мин татарча сөйләшәм” акциясе кысаларында бистәбезнең кибетләрен әйләнеп чыктылар, сатучылар һәм сатып алучылар белән аралашып, “Минем беренче татарча 150 сүзем” исемле буклетларны тараттылар.

   “Мин  татарча  сөйләшәм” дигән  акция барышында  8А  сыйныф  укучылары  белән 1 нче  апрель   көнне  “Магнолия”  һәм  “Пестречинка” кибетләренә  бардык.  Укучылар  сатучылар  һәм  сатып  алучылар  белән  татарча  аралаштылар. Укучыларны  кызыксындырган  сорауларга  җаваплар  табылды.Акция  дәвам   итә!!!

   “Мин  татарча  сөйләшәм” дигән  акция барышында  9Б  сыйныф  укучылары  белән  2 нче  апрель   көнне  даруханәгә  бардык. Хезмәткәрләр  белән  татар  телендә  аралаштык. Урамда  очраган  кешеләргә  дә  буклетлар бирдек.Акция  дәвам   итә!!!

     Татарстанның  халык  шагыйре  Роберт  Миңнуллин  һәрбер  укучының  яраткан  шагыйре. Балалар  өчен  язылган  “Акбай цирк  карый», “Айга  очтык», “Күчтәнәч”, “Энекәш  кирәк  миңа” китапларындагы  шигырьләрнең  күбесен   инде  яттан  беләбез. Чөнки  алар  гади, безгә  аңлаешлы   телдә  язылган. 

     30 март көнне “Мин татарча сөйләшәм” акциясе кысаларында 2 б һәм 2 в сыйныф укучылары  арасында «Газиз туган телем» дигән темага интеллектуаль уен үтте. Башлангыч сыйныф укытучысы Заппарова Ф.А. укучыларга кызыклы уеннар әзерләгән иде. Балалар бик теләп уз туган телләрендә табышмакларга җавап бирделәр, биремнәр буенча әкиятләрнең исемнәрен таптылар.Уен бик күңелле һәм файдалы үтте.