Бүген 6 сыйныф укучылары тарих фәненнән Бөтенрәсәй тикшерү эшләре башкардылар.

Бүген 6 сыйныф укучылары география фәненнән, 7 сыйныф укучылары рус теле фәненнән Бөтенроссия тикшерү эшләре башкардылар.

Бүген мәктәбебезнең көтелгән кунаклары – ветеран укытучылар, төрле елларда мәктәпне тәмамлаган укучылар, мөхтәрәм шәхесләр, хезмәткәрләр уку йортының  40 еллык юбилей тантанасына җыелды. Юбилей барган урын – мәктәпнең спортзалы,коридорлары бәйрәм тантанасы төсен алды. Стеналар мәктәпне төрле елларда тәмамлаган чыгарылыш сыйныф укучыларын,мәктәп тормышының шатлыклы мизгелләрен чагылдырган фотосурәтләр, чәчәкләр белән бизәлгән иде. Очрашу дәвамында хатирәләр яңартылды.

 40 яшь тулды мәктәбемә Зур юбилей!

Узган зур гомер.

Ничә буын синдә белем алган,

Чистартылып агарган күңел.  

Ярты гасырлык матур тарихың бар,

Шәкертләрең синең җитәрлек.

Арасында шундый зур шәхесләр,

Дан казанган, исең китәрлек.

Җиз кыңгырау моңы җыйды безне,

Таныш чыңы һаман колакта.

Бер мизгелгә вакыт туктап торчы,

Без кайттык бит тагын яшь чакка..

Бүген Халыкара туган тел көне уңаеннан бездә "Иң татлы тел- туган тел" исемле әдәби-музыкаль кичә булып узды. Кичәдә укучылар тел турында шигырьләр сөйләделәр, туган телдә җырлар башкардылар.

15 февраль — ​совет гаскәрләренең Әфганстаннан чыгарылуына 30 ел тула. "Тәртип урнаштыру" максаты белән башланган Әфган сугышында Татарстаннан да ун меңгә якын кеше катнаша. Аларның 262се Әфганстанда һәлак була, 201е контузия, 546сы төрле тән җәрәхәтләре ала.

Безнең авылдан да Әфган сугышында катнашкан сугышчылар бар. Бүген  авылдашыбыз интернационалист сугышчы Сафиуллин Хәлим Хәмбәл улы укучыларга үзенең Әфган хатирәләрен сөйләде.