Электронное образование в Республике Татарстан

    2016 елдан бирле "Татарча диктант"ны ел саен 50гә якын төбәктә язалар. Быел 4 ил татарча диктант язу акциясенә кушылган: Кытай, Швеция, Венгрия, Яңа Зеландия. Төркиядә диктант язу мәйданчыклары санын бишкә кадәр арттырган. Татарстанның Диния нәзарәте быел Казанда дүрт татарча диктант язу мәйданчыгы оештырды.. Мәскәүдә татарча дөрес язу өчен 5 мәйданчык әзерләнәде.

      Татарстанда уңай күренеш: татарча диктант язу акциясендә ел саен мәктәпләр актив катнаша. Акцияне Бөтендөнья татар яшьләре форумы, Бөтендөнья татар конгрессы халыкара берлеге Башкарма комитеты, Татарстанның Фән һәм мәгариф министрлыгы, Казан (Идел буе) Федераль Университеты оештыра.

 - Уйлап карагыз, 19 октябрь көнне бөтен Җир шары татарча диктант язарга утырды. Бу бит бик көчле энергетика. Әлбәттә,1 нче Лицей да бу  акциядә катнашмый кала алмады. Андый мөмкинлек булуын белүгә,милли эшләр буенча директор урынбасары Вафина Алсу Низаметдин кызы диктант язу мәйданчыгы буларак 1 нче Лицейны теркәде һәм оештыру эше башлап җибәрде.Тиз арада чарага ,теләкләре булган барлык укучылар ,әти-әниләр,хезмәткәрләр чакырылды. 19 нчы октябрь 13 сәгатьтә  112 кеше Р.Миңнуллинның “Мин кулыма китап алам” исемле ,бүгенге көндә актуаль проблеманы яктырткан,укырга өндәгән текстын язды. Иң мөһиме - укырга. Әгәр кеше укымаса, дөрес яза алмый. Никадәр күбрәк укый, шуның кадәр дөрес яза. “Китапсыз күңел-буш күңел,китапсыз йорт-нурсыз йорт,китапсыз милләт-киләчәксез милләт.”- ди Р.Миңнуллин  бу текста. Текст язучыларда кыенлыклар тудырмады ,сораулар булмады.Катнашучыларның оештыручыларга рәхмәтләр әйтеп китүләре,күңелгә рәхәтлек бирде. Быел татарча диктантны “5”гә генә язучыларга “Татарча яз” дигән значоклар бирәчәкләр. - Бу гомумән,  күңелле вакыйгаларның берсе. Шуңа күрә, икелеләр куелмый. Иң мөһиме - укырга. Диктант билгеләрен 1 нче ноябрьдән соң  http://diktant.tatar/ сайтыннан карарга  мөмкин. 

Закирова Л.А., учитель родного языка и литературы

Театр яктылыкка , нурга илтә.Кире юлга җибәрми,уңга илтә.

Татар театр сәнгатенең бай тарихы,матур традицияләре бар.

Шул традицияләрне истә тотып безнең мәктәп укучылары һәр ел

«Сәяр» театр конкурсында катнашып призлы урыннарга лаек булалар.

Рәхмәт сезгә укучылар.Зур уңышлар юлдаш булсын сезгә!

Минуллина Л.Ф.

2019нчы елның 11нче октябрендә 5нче гимназиядә республикабызның төрле районнарыннан җыелган туган тел һәм әдәбияты укытучыларының «Туган тел һәм әдәбиятны укытуга заманча якын килү» исемләнгән стажировка мәйданчыгында катнаштык. Бу чарада безнең лицейның 2, 4 сыйныф укучылары Сөмбелә бәйрәменең бер өлешен күрсәттеләр.

Каюмова Р.И.