Бүгенге дүшәмбе көн линейкасы тантаналы төстә үтте. Төрле чараларда актив катнашкан укучылар мактау кәгазьләре, грамоталар һәм дипломнар белән бүләкләнделәр.

Бүген Әйша мәктәбендә  бөек шагыйребезнең 130 - еллыгына багышланган "Тукай замандашлары" дип исемләнгән VI Бөтенроссия шигырь уку бәйгесенең муниципаль туры булды. Әлеге чарада безнең мәктәп укучылары да катнашты. 6 нчы сыйныф укучысы Әхмәтшина Альфинур һәм 9 нчы сыйныф укучысы Нигъмәдҗанов Айдар уңышлы чыгыш ясадылар һәм дипломнар белән бүләкләнделәр.

   Бүген безнең мәктәп укучылары "Татарстан Республикасы  Зеленодол муниципаль районының 3 нче номерлы гимназия"  муниципаль бюджет гомуми белем бирү учреждениесендә үткән  "Күренекле татарлар" диеп исемләнгән I төбәкара  фәнни - эзләнү конференциясендә   уңышлы чыгыш ясап кайттылар. "Иҗади эш" номинациясендә   8 нче сыйныф укучысы Йосыпова Диана 1 урын алып грамота һәм  шагыйрә Йолдыз Шарапованың китабы белән бүләкләнде. "Мәдәният  өлкәсендәге күренекле татарлар" номинациясендә 8 нче сыйныф укучысы Әхмәтшина Альбина диплом белән бүләкләнде. Афәрин! Котлыйбыз аларны. 

Бүген Татар Танае мәдәният йортында Афзал Шамовның 115- еллыгына багышланган юбилей кичәсе үтте. Безнең мәктәп укучылары да укытучылары белән берлектә бәйрәмдә катнаштылар. Кичәгә бик күп кунаклар килгән иде. Соңыннан Татар Танае гомуми урта белем бирү мәктәбендәге Афзал Шамов музеена экскурция оештырылды.

Бүген чираттагы ата -аналар җыелышы булды. Һәр сыйныф җитәкчесе укучыларның укуда өлгерешләре белән таныштырды. "Бала - гаиләнең көзгесе" дигән темага доклад укылды.

          Кем дөньяга кеше бүләк итә,

          Ә кешегә - якты дөньяны?

          Тойгылары кояш кебек кайнар,

          Эретерлек гранит кыяны?

                    -Кем күңеле тулган айдай серле,

                    Язлар сыман назлы, ягымлы?

                    Шатлыкларын башкаларга бүлеп,

                    Кайгыларга түзем, сабырлы?

          -Кем елмая җәйге таң аткандай,

          Балкып китә шундук тирә-як?

          Нәфислеге гөлләр сокланырлык,

          Көләчлектә аңа тиңнәр юк?

                    -Кем куллары өйне, җирне ямьли,

                    Изгелеге үлчәү тапкысыз?

                    Ул, әлбәттә, яшәү чыганагы.

                   Тормыш яме - Әнкәй, хатын-кыз!

Бүген мәктәптә 8 март - халыкара хатын - кызлар көненә багышланган әдәби - музыкаль кичә үткәрелде. Бәйрәм чәй табыны артында дәвам итте. Барлык хатын - кызларны киләсе бәйрәм белән котлыйбыз!

Бүген 9 нчы сыйныф укучылары Казан кооператив институты доцентлары Р.И.Гайсин һәм М.И.Гыйлемҗанов белән очраштылар. Алар үзләренең уку йортлары турында сөйләделәр, уку үзенчәлекләре белән  таныштырдылар һәм укучыларның сорауларына җавап бирделәр.

Безнең мәктәп укучылары һәрдаим төрле конкурсларда, олимпадаларда катнашалар һәм нәтиҗәләре дә сөенерлек. Менә бүгенге линейкада да шундый укучыларны бүләкләү булды.

С.Х.Шаяхметова подготовила к участию в международном дистанционном блиц - турнире по математике "Математике - царица наук" проекта "Новый урок" учащихся, ставших победителями (занявших 1 место).

Ученики нашей школы стали призерами "Осеннего"  тура Всероссийского конкурса "Познание и творчество". Ахметшина Альфинур (6) - 1 место, Забихуллина Илюза (6) - 3 место. Хусниева Альбина (7) - 1 место, Ахметшина Альбина (8) - 4 место.