Бәйрәм алды ярминкәсе узды. Укучылар нинди генә тәмле ризыклар алып килмәгәннәр. Шунысы куандыра: күбесен үз куллары белән пешергәннәр, бизәгәннәр. Төрле печенье, кабартма, "кырмыска оясы", торт, пирог, пирожкилар - төрлесеннән. Әниләре белән әзерләгән мактаулы чәкчәк, кыстыбый, коймак, кош теле, тәбикмәк кебек татар халык ашлары мәктәп өстәлләренә күчкән. Тик монда да озак тормадылар - бик тиз товарга әйләнделәр. Әлеге бәйрәмдә укучылар үзләренең товар тәкъдим итү, сатулашу осталыкларын да күрсәттеләр. Ярминкәдән балалар күтәренке кәеф белән өйдәгеләргә күчтәнәчләр алып таралыштылар.

Бәйрәкә мәктәбе укытучылары чаңгы спорты буенча ГТО нормалары тапшырды. Алар үзләренең хезмәткә һәм илне саклауга әзер икәнлекләрен расладылар.

8,9нчы сыйныф укучылары өчен әлеге исемдәге әдәби кичә үтте. Кичәне татар теле укытучысы Сабирова В. С. әзерләде.

8 нче сыйныф укучылары татар теле һәм әдәбиятыннан алган белемнәренә таянып зирәклектә көч сынаштылар.

Гомуми линейкада 2нче сыйныф укучылары туган телгә багышланган шигырьләр һәм җырлар белән чыгыш ясадылар.

Халыкара туган тел көне декадасы кысаларында 5, 6 нчы сыйныф укучылары арасында "Тел - күңел көзгесе" дип аталган лексик КВН узды. Укучылар туган тел байлыгын белүләре һәм матур сөйләм күнекмәләре буенча тапкырлыкта, зирәклектә көч сынаштылар.

Ул елларны ничек онытасың -

Ил язмышы кылыч йөзендә.

Ир-егетләр китте яу кырына,

Алып көче тоеп үзендә.

Ирләр китте, кызлар елап калды,

Шаулап калды иген өлгереп.

Басу капкасына чаклы озата барды

Яше, карты -  барысы өзелеп.

Ирләр китте, кызлар елап калды,

Елап калды күпме хатыннар.

Туйда кигән күлмәкләре калды,

Күпме бала калды, ятимнәр, - дип яза авылыбыз шагыйрәсе Саҗидә Гомәрова.

5-7 сыйныф укучылары олимпиадада катнаштылар.