Бүген мәктәптә Бөтендөнья сәламәтлек көненә багышланган спорт бәйрәме узды. 5-8нче сыйныф укучылары ГТО нормаларын үтәү буенча көч сынашты. Һәр укучы һәм команда үзенең җитезлеген, ныклыгын һәм нормаларны үтәү кагыйдәләре буенча белемнәрен күрсәтте. 

               Язгы каникуллардан соң Бәйрәкә урта мәктәбендә  башлангыч сыйныфлар атналыгы узды. Атналык махсус план нигезендә алып барылды. Максаты: балаларның иҗади,  интелектуаль сыйфатларын ачу, укуга  омтылыш булдыру.

       Казанда "Ел остазы" номинациясе буенча тәрбия өлкәсендә һөнәри осталык Республика бәйгесе узды. Үзебезнең районда һәм тагын 9 район арасында үткәрелгән зональ турда җиңү яулаган мәктәбебез остазы Дәүләтханова Р. М. район данын яклады. Биредә 51 районнан сайлап алынган 20 остаз катнашты. Бәйге нәтиҗәләре буенча, Рәмзия Минебаевна "Ел остазы-2016" Республика бәйгесе финалисты дипломы һәм ТР иҗтимагый палатасының "За вклад в развитие гражданского общества" рәхмәт хаты белән бүләкләнде. Коллегабызны зур җиңүе белән котлыйбыз, аңа гаилә иминлеге һәм иҗат чишмәсенең саекмавын телибез.

Бәйрәкә урта мәктәбендә, борынгы гореф-гадәтләребезне торгызу, балаларны милли бәйрәмнәребез белән таныштыру максатында, күп кенә чаралар үткәрелә. Шундыйлардан "Әбиемнең күңел сандыгы" дип исемләнгән күркәм бәйрәмгә әниләр, әбиләр, мәктәпнең 1, 2, 4 нче сыйныф укучылары да чакырылган иде. Биредә 3 нче сыйныф укучылары, укытучылары Галимова Илсөяр Габдрафиковна җитәкчелегендә, милли биюләр, җырлар, уеннар күрсәттеләр. Балалар милли киемнәр, уен кораллары, татар халык милли ашлары белән дә таныштылар.

11 март көнне  Бәйрәкә мәктәбендә тарих һәм җәмгыять белеме укытучыларының “Федераль дәүләт белем стандартларына күчү шартларында тарих укытуда яңа технологияләр куллану “ темасы астында район семинары узды. Семинарда тарих укытучысы Касимова С.Ш. 6нчы класста “ Конституция- илнең Төп законы”  дигән темага ачык дәрес күрсәтте. Экскурсовод  Хазиева Ә.Х. укытучыларны “Гобәйдия” музей-комплексы белән таныштырды. Район укытучылары төрле темаларга чыгышлар ясадылар.

1 сыйныф укучылары өчен куанычлы вакыйга булды.  Укытучылары  Саляхова З.С.  балалар һәм  әти-әниләр белән Әлифба бәйрәме уздырды.  

"Созвездие-Йолдызлык - 2016" бәйгесенең зональ этабында конферанс номинациясендә җиңү яулаган  4нче сыйныф укучысы Фатхиева Лилияне һәм аның җитәкчесе Дәүләтханова Р. М.ны тәбрик итәбез. Лилиягә алдагы бәйгедә дә уңышлар телибез!