Сегодня состоялось торжественное вручение членских карточек SаMоSтоятельным детям.

Бүген башлангыч сыйныф укучылары арасында шигырь бәйрәме үтте. Балалар арасында  Габдулла Тукай шигырьләрен иң матур сөйләүчеләр билгеләнде. 

7-11 класс укучылары арасында "Тукай укулары" үткәрелде. Укучылар Габдулла Тукайның "Тормыш юлы", "Тукай һәм балалар әдәбияты", "Тукай һәм туган тел", "Тукай һәм Пушкин", "Тукай һәм мәхәббәт", "Тукай һәм халык"  темалары буенча проект эшләрен якладылар. Тукай турында язылган шигырьләр сөйләделәр.

Бүген, бөек Тукаебызның туган көне уңаеннан, шагыйрьнең тормышы һәм иҗаты буенча рәсем бәйгесенә йомгак ясалды. Шагыйрьнең портретын иҗат иткән 11 нче сыйныф укучысы Мөхәммәтҗанова Гөлшатның хезмәтенә тиңнәр табылмады. Аның иҗат җимеше татар теле һәм әдәбияты кабинетын бизәячәк. Гөлшатка мәктәп коллективы зур рәхмәт белдерә һәм иҗади уңышлар тели.

1нче сыйныф укучылары Габдулла Тукайның туган көненә багышланган әдәбият дәресе үткәрделәр. Алар шигырьләр укыдылар, рәсемнәрен һәм иҗади проектларын якладылар.

Шундый девиз астында бүген безнең коллектив мәктәп территориясен һәм аның янын җыештырды.

Авыл клубында бөек шагыйребез Габдулла Тукайның тууына 130 еллыкка багышланган әдәби-музыкаль кичә узды. Мәктәп коллективының Тукай әсәрләрен җыр-бию белән сәхнәләштерү авыл халкының күңеленә хуш килде.

Бүген Язгы мәрхәмәтлелек атнасы кысасында авыл клубында Мәрхәмәтле кино көне үтте. Ютазы муниципаль районының кино күрсәтү бүлеге җитәкчесе Усманова Светлана Насиховна мәктәп укучыларын беренче кино барлыкка килү, Россиядә кино мәдәнияте тарихы, кино төшерүче, актерлар һөнәрләренең үзенчәлекләре белән таныштырды. Соңыннан "Борцу не больно" исемле нәфис фильм тәкъдим ителде.

Бүген 9нчы сыйныф укучылары Баулы аграр көллиятеннән вәкилләр белән очрашты. Кунаклар чыгарылыш сыйныф укучыларын уку йорты тәкъдим иткән бүлекләр, яшәү, юл йөрү шартлары белән таныштырдылар. 

Язгы мәрхәмәтлелек атнасының беренче көнендә укучылар мәктәп яны һәм обелиск территориясен җыештырырга чыктылар. Кар астыннан чыккан чүп һәм былтыргы үлән, яфраклардан чистарган җир иркен сулап куйды. Укучылар башкарган эшләренең нәтиҗәсен күреп канәгать калдылар. Бу мактаулы эштән кечкенәләр дә читтә калмады. Алар спорт мәйданчыгын тиз арада җыештырып куйдылар.