Бакчабызда 45 елдан артык хезмәт итүче тәрбияче Фирдаус Талгатовнаны зур юбилее белән котлыйбыз!!! Балаларны иң яратучан, иң иҗади һәм бөтенебезгә үрнәк педагог! Без сезгә уңышларның иң зурысын, гомернең иң озынын, киләчәкнең иң матурын, сәламәтлекнең иң ныгын телибез.

Бүген бакчабызга кунаклар килде Ахметов Марат Готович, Халиуллин Ильсур Гараевич, Закирова Минзалия Загреевна, Ахметов Альберт Мунирович безнең татар телендә бәйләнешле сөйләм үстерү системасы белән таныштылар.

Бакчабызда 10-12 март көннәрендә 8нче март Халыкара хатынкызлар көненә багышланган бәйрәмнәр уза. Һәрбер төркемнең бәйрәме үзгә, кызыклы. Кемгәдер Маша белән аю килә кунакка, кемгәдер усал Патшабикә, кемгәдер Убырлы...

Агач үстерү җиңел эш түгел! "Бергә үсәбез" проекты балаларга агач үстерүнең авырлыгын һәм кызыклыгын күрсәтә. Бөтеншәһәр проектында без дә катнашабыз. Кечкенә генә орлыктан зур агач үсәсенә балалар бик ышанып бетмиләр әле. Карарбыз,  уртанчылар төркеме чыгарылышта булганда агачлары күпме булыр икән?

Безнең уртанчылар төркеменә йөрүче Гатауллин Роберт һәм Гөбәйдуллина Диләрә "Яшь экскурсовод" конкурсының район этабында катнашып беренче урынга лаек булдылар. Алар үзләренең яраткан Бауман урамы һәм аның кызыклы урыннары белән таныштырдылар. Әфарин!!!

Ватанны саклаучылар көне бакчабызда спорт уеннары белән узды. Балалар үзләренең көчләрен сынадылар. Зурлар хаттә санитар булып та уйнап карадылар.

Халыкара Туган телләр көнен бакчабызда зур итеп 3 атналык проект белән уздырдык. Барлык педагоглар, балалалар, әти-әниләр кушылды. Татар һәм рус язучыларының иҗатын искә алдык, бик күп укыдык, китапханә белән таныштык. Шулай ук бу проект кысаларында язучылар музеена виртуаль экскурсия узды. Шигырь сөйләүчеләр бәйгесе, кул эшләре күргәзмәсе, бәйрәмнәр - бу проектның нәтиҗәле тәмамлавы булды.

Сегодня состоялся конкурс чтецов в рамках проекта, посвященного Дню Родного языка. В этот раз в чтениях участвовало рекордное количество детей - 74. И еще 10 детей в филиале. Мы очень рады, что наша добрая традиция - выступление чтецов набирает популярность среди детей и родителей. В процессе воспитания, обучения и развития детей поэзия занимает важное место. Воспринимая поэтические образы, дети получают эстетическое наслаждение. Стихи влияют на ребёнка силой ритма, обаянием мелодики; детей привлекает мир звуков. Поэтому в дошкольном возрасте важно учить детей воспринимать и оценивать поэтические произведения, воспитывать художественный вкус.

Туган телләр елына багышланган проект кысаларында татарча шигырь сөйләүче балалар өчен шигырь бәйрәме узды. Балалар төрле язучыларның әсәрләрен сөйләделәр: Хәсән Туфан, Әнәс Кари, Нәҗип Мадьяров, Габдулла Тукай, Роберт Миңнуллин, Лена Шагыйрьҗан һ.б.

Бүген бакчабызда М.Җәлилне искә алдык. Бу герой-шагыйрь мәңгелеккә исебездә.