Проект кысаларында һәрбер төркем китапханәгә экскурсиягә барды. Ә китапханәбез үзебездә. Кечкенә генә булса да, балаларның әдәби үсешенә үзенең өлешен кертә. 

Бакчабызда Туган телләр елына багышланган чаралар башланып китте. Иң беренче итеп 21 февральдә бәйрәм ителүче Халыкара Туган телләр көненә багышланган проект эшли башлады. Өч атнага сузылган проектта бик күп чаралар каралган. Иң мөһиме, балаларны әдәбият белән, язучылар иҗаты белән таныштыру.

Бакчабызда "Әкият илендә" дип аталган кардан сыннар ясау конкурсы бара. Һәрбер төркем үзенә бер әкият сайлап, аның геройларыннан сыннар ясарга тиеш иде. Балалар да, әти-әниләр дә кушылдылар. Хәзер һәрбер төркемнең мәйданчыгы әкият иленә ошап калды.

В рамках изучения русского языка с воспитателем Габдрахмановой Фирдаус Талгатовной, были проведены итоговые мероприятия в младших группах по теме домашние животные и птицы. Детям очень понравилось путешествие в деревню. Были поставлены следующие цели: учить детей называть домашних животных, расширять словарный запас, развивать память,речь, воспитывать любовь к животным, которые были успешно достигнуты.

Минлебаева Эмилия, "Звездный билет" конкурсында катнашып 1нче урынга лаек булды. Бу конкурс бик авырлардан санала, чөнки шигырь түгел, проза сөйләргә кирәк. Эмилия өчен без А.Волковның "Волшебник изумрудного города" әсәреннән Гингема образы сайладык. Ул аны чын артистларча башкарып чыкты. Без аны котлыйбыз!

Бу хакта Татарстан Президенты Рөстәм Миңнеханов хәбәр итте. «Без милли телләр һәм мәдәниятләр үсеше өчен шартлар тудырырга тиеш. Рус, чуваш, удмурт, мордва, марилар һәм башкалар. Бу мәсьәләгә зур игътибар биреп, киләсе елны Туган телләр һәм халыклар бердәмлеге елы дип игълан итәргә тәкъдим итәм», — диде Президент. «Телебез — рухи яктан берләштерүче зур көч. Татар телен саклау һәм үстерү буенча комиссиягә дә зур өметләр баглыйбыз. Бу эштә барлык хакимият органнары һәм иҗтимагый оешмалар катнашырга тиеш. Туган тел — үз халкың белән нечкә элемтә. Без аны саклап калу өчен барысын эшләячәкбез. Бу алдагы буын алдында әхлакый бурыч», — диде Президент.

Декабрь бураннары, кышкы салкыннарда җемелдәгән йолдызлар алып килгән Яңа ел белән котлыйбыз! Бәйрәмегез мөбарәк, күңелле, куанычлы булсын. Эшләрегез уң булсын, чәчәк атсын, күңелегездәге мәрхәмәтлелек нуры җаныгызны тагын да ягымлы, матур итсен, ялкынландырып бизәсен. Бусагаларыгыздан караңгылык, хәвеф-хәтәр атлап кермәсен, бәла-каза йөрмәсен. Гаилә бәхетегез сүнмичә балкып торсын!

Һәрбер төркемдә үзенчәлекле матур, кызыклы итеп Яңа ел бәйрәмнәре үтте. Кызганычка каршы, билгеле сәбәпләр аркасында, әти-әниләр бәйрәмнәргә килә алмадылар. Ләкин бу балаларның кәефен бер дә төшермәде. Рәхәтләнеп биеделәр, җырладылар, бүләкләнделәр!

Бу елны матур конкурс белән төгәлләргә булдык. Төркемнәрдә Яңа ел почмаклары булдырдык. Балаларга Яңа ел кәефе, ә безгә кызык һәм матурлык! Әти-әниләрнең активлыгына исебез китте: алар тырышмаса, моның хәтле матурлык булмас иде.

Бүген бакчабызда "Кыш-кышкай" дигән шигырь сөйләүчеләр конкурсы узды. Балалар кечкенәләрдән алып зурларга кадәр бик актив булдылар. Сабыйлар өчен мондый конкурслар башкару осталыгын яхшыртырга, аралашырга мөмкинлек бирә, аудитория каршында чыгыш ясау, оялу гадәтен басу өчен дә бик яхшы.