Бүген, 25 апрель- бөтен Рәсәй Эколяталар көне. Безнең бакчабыз да Эколяталар көнен бик теләп үткәрде. Икенче төркем балалары экологик акциядә катнашса, зурлар төркеме  яшь чыршылар утыртты, Эколята геройларын рәсемгә төшерде. Уртанчылар төркеме тәрәзә төбендәге үзләре утырткан бакчаны тәрбияләде. Ә мәктәпкә әзерлек төркеме балалалары тәрбиячеләренә үз мәйданчыкларын (участокларын) җыештырырга булышты.

Бүген бездә кунакта Татарстан Язучылар берлеге әгъзасы, шагыйрь, журналист, Татарстанның атказанган сәнгать эшлеклесе Ләбиб Лерон. Ул балаларыбызга узенең күңелле шигырьләрен укыды. Балаларыбыз да җавапсыз калмады: аның шигырьләрен сәньгатьле итеп сөйләделәр.

Бездә кунакта "Песи һәм эт" ("Кот и пёс") приютының директоры Альберт Галиев. Ул балаларга яхшылык, кешелеклелек дәресе уздырды. Балалар һәм әти-әниләр ярдәме белән ике ай дәвамында җыелган кормны,  кирәк-яракларны "Песи һәм эт" ("Кот и пес") приютына тапшырдык.

Иң беренче булып галәм киңлекләрен яулаган кеше – Ю.А.Гагарин. Шуннан бирле 12нче апрель һәр елны Космонавтика көне билгеләп үтелә.

Бакча баласы булсам да

Юрий Гагарин кебек

Очасым килә күккә.

Галәмнең барлык серләрен

Ачасым килә минем

Илебезнең батыр улы

Буласым килә минем.

Зурлар һәм мәктәпкә әзерлек төркемнәрендә бүген юл йөрү хәрәкәтләренә багышланган йомгаклау кичәсе узды. Балаларыбыз юл йөрү кагыйдәләрен, билгеләрен уеннар һәм җырлар ярдәмендә тагын бер кат искә төшереп кабатладылар. Юллардагы  иминлек өчен аларның никадәрле кирәкле икәнлегенә инандылар.

Бакчабызда язгы кояш темасына кул эшләре конкурсы үтә: нинди генә кояшлар җыелмады бездә, бакчабызга яз килде. Ул Нәүрүз бәйрәменә багышланган. Нәүрүз бәйрәмендә барлык катнашучыларны котлап үтәбез.

Балаларыбыз бүген бакчабызда Нәүрүз бәйрәмен каршы алдылар.

Бүген бакчабызда татар төркемнәрендә эшләүче һәм татар теленә өйрәтүче тәрбиячеләр өчен методик берләшмә эшен уздырды. Безнең тәрбиячеләр алдынгы тәҗрибәләре белән уртаклашты. Бакчабызда эшләп килүче "Идел буена сәяхәт" проекты белән якыннанрак таныштырдык, мастер-класслар үткәрдек: халык уеннары, драматизация, йолалар, халык кул эшләре аша ничек сөйләм үстереп була?

Бакчабызда 8нче март - Хатын-кызлар көненә багышланган бәйрәмнәр узды. Һәрбер төркемдә бәйрәм атмосферасы аерылып торды. Бигрәк тә әниләрнең актив катнашулары куандырды.

23 февраль - Ватанны саклаучылар көне. Барлык төркемнәр дә бу бәйрәмне уеннар белән каршы алды. Безнең саклаучыларыбыз кебек уңган-булган, җитез-өлгер, нык-көчле булып үсәчәкләр балалар!