Бүген бакчабызда Халык бердәмлеге көненә багышланган шигырь укучылар бәйрәме узды. Балалар туган илгә, халык дуслыгына багышланган шигырьләр сөйләделәр. Иң актив төркем мәктәпкә әзерлек төркеме булды. Иң матур сөйләүчеләрне видеолар арасында табып була. Без алар белән горурланабыз!

Өлкәннәр һәм өлкәннәр логопедия төркемендә бүген әти-әниләр белән берлектә эстафета булды. Рус телендә узган бу чарада балалар рус телендә сөйләм үстерү һәм логопедия шөгыльләрендә "Фрукты-овощи" темасына өйрәнгән белемнәрен күрсәттеләр. Командалы уен кызыклы узды, кунакка Помидора Томатовна һәм разбойник Лимонстр килде. Әти-әниләр дә актив катнашты: балаларга яшелчә һәм җиләк-җимештән креатив ашамлыклар әзерләделәр.

В рамках мероприятий, посвященных Дню Народного Единства, старшая группа под руководством педагога по обучению русскому языку Фирдаус Талгатовны приготовила развлечение "Матрешка - душа России". Зрителями стали старшая и подготовительная группа.

Аерылганны - аю, бүленгәнне бүре

Ашар дигән безнең әбиләр.

Бердәм булып, тату яшик, дуслар,

Ашамасын безне "бүреләр".

Бердәм булыйк, дуслар, кайгыларда,

Шатлыкларда бергә кайнашыйк.

Нинди генә хәлдә калсак та без,

Дуслар булып калыйк, аңлашыйк.

Төрле милләт халкы булсак та без

Илебезгә телик тынычлык.

Тормышыбыз рәхәт, өстәлләр мул,

Яшик, дуслар, күрми кыенлык.

Диннәр төрле, ләкин теләкләр бер,

Без тынычлык кына телибез.

Һәр туар таң бәхет алып килсен,

Чәчәк атсын туган илебез.

Р. ФӘТТАХОВА

Балалар һәм әти-әниләр бик яратып бакчабызда үтүче төрле күргәзмәләрдә катнашалар. Менә көз темасына да күргәзмә искитәрлек килеп чыкты. Барлык катнашучыларга зур рәхмәт!

Ел саен районкүләм үтүче театр конкурсы "Театр йолдызларында" катнашабыз. Бу ел Резеда Валиеваның "Кыңгырау чәчәге" әкиятен куйдык. Шулай ук эшебез республика конкурсы "Сәйяр"гә дә китте.

Бакчабызда күптәннән "Халык мәрҗәннәре" исемле проект эшләп килә. Бу проектта әти-әниләр белән бергәлектә туган ягыбызның күренекле шәхесләре белән танышу, аларның иҗатын өйрәнү бара. Проектның җимеше булып тере очрашулар тора. Шулай безнең балалар янына очрашуга композитор Наилә Яхина килде. Наилә ханымның җырлары искиткеч җиңел һәм матур. Балалар ул җырларны хисләнеп башкаралар. "Ел фасыллары буенча сәяхәт" дип исемләнгән кичәдә тулаем композиторның җырлары кулланылды.
Шулай ук кичәбезнең кунаклары булып Мәгариф Министрлыгыннан Минзәлия Загреевна һәм Йолдыз Шамилевна килделәр.

Ел саен бу көнне без олы хезмәттәшләребезне бәйрәм белән котлыйбыз. Без аларны күрергә бик шатбыз.

Сезнең тормыш юлы матур тарих,
Күпләр өчен үрнәк булырлык.
Рәхмәт, дибез, сезгә чын йөрәктән,
Сезнең гомер — безнең горурлык.

Өлкәннәр көне белән кадерлеләребез!!!
 

Бакчабызда Мәрхәмәтлек атналыгы узды. Бигрәк тә актив кечкенәләр төркеме булды - йортсыз хайваннарга азык җыюда тырышып катнаштылар.

Табигатьне  яратырга, сакларга, аңларга, матурлыгына  сокланырга, табигый байлыкларны ишәйтергә  омтылучы балалар төрбияләр өчен бөҗәкләр дөньясы белән таныштыруны дәвам итәбез.