Баһаветдиновлар гаиләсенә барып кайттык.
Мәктәп һәм бакчаларда игълан ителгән яхшылык атнасы кысасында, әлеге гаиләгә матди ярдәм жыю оештырган идек.
Күмәк тырышлык белән жыелган акчаларны, инвалид балалар тәрбияләүче гаиләгә тапшырып кайттык. Үз өлешен керткән һәркемгә рәхмәтләребезне белдерәбез! Изгелек жирдә ятмый! Кулдан килгәнчә яхшы эшләр эшләргә тырышыйк!

Өлкәннәр көненә багышланган күңел ачу чарасы оештырдык.
Рәхәтләнеп жырладык, биедек, кунакларның һәм балаларның чыгышларын карадык.
 Кадерле өлкәннәр! Сезнең тормыш - үзе бер тарих! Күпне күргәнсез, күпне кичергәнсез! Яшь буынга мирас итеп калдырырлык тәжрибәгез бар. Сезгә сәламәтлек, күңел тынычлыгы, якыннарыгыз янәшәсендә бәхетле озын гомер кичерүегезне телибез.
Һәр иртә шатлык-куанычлар гына алып килсен! Тагын бер мәртәбә, бәйрәм белән сезне!

Килгән кунагыбыз - Әхмәтгалиев Фәрит Сәетхан улы чыгышы.
Фәрит Сәетхан улы - Алимәбезнең бабасы була.
Шигырьләр дә сөйләде, гармунда уйнады, үзе жырлады, безне дә жырлатты!

27 сентябрь - тәрбиячеләр һәм балалар бакчасы хезмәткәрләре көне
Бәйрәм мизгелләре белән бүлешәбез.Һәркемнең дә күңелендә йөрткән теләкләрне әйтәсе килә:
- тынычлык, бәхетле киләчәк, сабыйларга тигез канатлы булып үсәргә язсын. Бүгенге көндә әлеге сүзләрнең мәгънәсенә ныграк төшенәсең...Бакчабыз хезмәткәрләренә бәйрәм оештырырга ярдәм иткән һәрбер кешегә ихлас рәхмәтләребезне житкерәбез!

Бу юлы зурлар төркемендә.
Бакча яңалыклары белән танышудан тыш баш мие эшчәнлеген яхшырта һәм нейрон күзәнәкләрен уятып жибәрә торган күнегүләр эшләп алдык.Һәркем өчен дә файдалы һәм кызыклы булды бу алым.
 Жыелышның тагын бер өлеше - "Асылташ" мәктәбе белән танышу булды.
Мәктәп белән таныштырырга "Сәләт" проекты житәкчесе Диләрә Жәүдәт кызы килгән иде.
Диләрә ханым "Асылташ" мәктәбенең безнең балалар бакчасы белән охшаш яклары күп диде. Шуларның берсе жылы, гаиләдәге шикелле мөхит булуы.Әлеге мәктәп белән алга таба хезмәттәшлек итәрбез дигән уй-ниятләребез бар. Димәк, алга, яңа үрләргә!

Күргәзмәдә булдык! Бүген Kazan Digital Week 2022 конференциясенең икенче көне. Цифрлы технологияләргә багышланган күргәзмә үзенең күпкырлы булуы белән таң калдырды.  Биредә мәгариф, медицина, авыл хужалыгы һ.б тематикага кагылышлы почмакларны күрергә була иде. Барысы да цифрлы технологияләр ярдәмендә ясалган эшләнмәләрен тәкъдим иттеләр!

Kazan Digital Week 2022 конференциясендә катнашабыз! Безнең секциянең тематикасы "Белем бирүдә цифрлы технологияләр".
Танылган спикерларның темага кагылышлы чыгышларын тыңлаудан тыш, конференциядә үзебез дә катнашабыз.
Яңалыклар, хәбәрләр белән сезнең белән дә бүлешеп барачакбыз!

Быелгы беренче ата-аналар жыелышы! Бакчабыз, көндәлек режим, кайбер кагыйдәләр белән якыннанрак таныштырдык. Барлык килгән ата-аналарга да рәхмәт! Ел дәвамында бергә булыйк, бердәм булыйк!

Бакчабызда юл хәрәкәте кагыйдәләрен өйрәнүгә зур игътибар бирелә. "Юл хәрәкәте иминлеге" Дәүләт бюджет учреждениесы хезмәткәре - Ахметшина Анастасия килеп, балалар белән әлеге темага әңгәмә үткәрде. Юл билгеләрен, юлда үзеңне имин тоту кагыйдәләрен искә төшердек. Жәйге ялдан соң белемнәрне яңарту бик урынлы булды! Һәркемгә дә хәерле юллар теләп калабыз!

Җәйдән сәлам сезгә!
Балалар белән жәй көне үткәрелгән тәжрибә.
Пекин кәбестәсе яфракларын төрле төстәге буяулар буталган сулы стаканга батырып куйдык.
Кәбестә яфракларының ничек итеп төсләрен һәм үзлекләрен үзгәртүен күзәттек.