Татарстан Республикасының Архив эшләре буена дәүләт комитетында танылган галим, язучы, шагыйрь, тәнкыйтьче, профессор Фәрит Зәкиҗан улы Яхин белән әдәби очрашу булып узды. Әлеге чарада Казан шәһәренең Вахитов районында белем алучы 27 нче гимназия укучылары катнашты.  Укучылар  Ф.Яхинның әсәрләрен яттан сөйләделәр, туган телебездә үзләренең матур җырларын бүләк иттеләр. 

Бүген гимназиябездә янгын куркынычсызлыгы буенча сыйныф сәгатьләре үткәрелде. Башлангыч сыйныфларга әлеге тема тагын да кызыклырак булды, гимназиябез президенты Шакиров Рүзәл һәм СНТ активистлары укучылар өчен викторина уздырды. Тормыш иминлеге куркынычсызлыгы фәне укытучысы Абдуллин И.Т. янгын чыккан очракларды ниләр эшләргә кирәклеген аңлатты, мәктәпнең эвакуация планы белән таныштырды.

В рамках предметной недели спортивно-эстетического цикла с 25 по 31 января на уроках музыки были сделаны проекты во вторых классах на темы: "Шумовые музыкальные инструменты", были проведены беседы о композиторах и об их творчествах, составлены кросворды. Так же в честь дня снятия блокады Ленинграда с каждым классом вспоминались песни военных лет.

Поздравляем ученицу 8 б класса Нигматзянову Аделину с успешным выступлением на конкурсе чтецов «Звездный билет». (Руководитель Каюмова А.М.). Она стала призером этого конкурса.

26 нчы гыйнварда 6б һәм 8 нче сыйныф укучылары Габдулла Тукай музеенда бөек шагыйрьнең дусты, замандашы, татар әдәбяты классигы – прозаик, драматург, публицист, әдәбият тәнкыйтьчесе, җәмәгать эшлеклесе Фатих Әмирханның тууына 135 елга багышланган чарада катнаштылар. Укучыларга Ф.Әмирханның 1909 нчы елда язылган “Фәтхулла хәзрәт” фантастик повесте тәкъдим ителде. Әсәр язылуга 100 елдан артык булуга карамастан, анда бүгенге тормышта чынга ашкан вакыйгалар сурәтләнә.

Укучылар Габдулла Тукай музее белән дә танышып чыкты. Заманча җиһазландырылган заллар аларның игътибарын җәлеп итте.Экскурсиядән бик күп мәгълүмат һәм зур тәэсир алып кайттылар.

Гимназиябезнең  татар теле һәм әдәбияты укытучысы Нурмиева Гөлгенә Вазыховна, үзенең укучысы Шакиров Рүзәл белән "Тәртип" радиосында чыгып килүче "Мәгърифәт нуры" тапшыруында чыгыш ясадылар. Гөлгенә Вазыховна татар мәгарифенең бүгенге хәле, тәрбия һәм белем бирү өлкәсендәге проблемалар хакында үзенең фикерләре белән уртаклашты. Рүзәл радио тыңлаучыларга үзенең яраткан җырларын бүләк итте, бик матур итеп шигырь дә укып күрсәтте.

Татарстан Республикасында 2021 нче ел - Туган телләр һәм халыклар бердәмлеге елы дип игълан ителде.  «Без милли телләр һәм мәдәниятләр үсеше өчен шартлар тудырырга тиеш. Рус, чуваш, удмурт, мордва, марилар һәм башкалар. Телебез-рухи яктан берләштерүче зур көч. Туган тел-үз халкың белән нечкә элемтә. Без аны саклап калу өчен барысын эшләячәкбез. Бу алдагы буын алдында әхлакый бурыч”, - диде Президент.  Гимназия коллективы да бу күренекле чарага кушыла. 

Татарстан тарихы буенча республика олимпиадасының йомгаклау этабында безнең гимназияне, район һәм шәһәр данын 8а сыйныфы укучысы Каюмов Камил яклады. Тарих укытучысы Фәхретдинова Фәйрүзә Раефовнаны олимпиада призеры белән котлыйбыз. Җиңүчеләрне чын күңелдән котлыйбыз! Киләчәктә дә уңышлар һәм җиңүләр телибез.

“Россия – минем тарихым” мультимедиа паркы Татарстан Республикасын торгызуга һәм үстерүгә бәяләп бетергесез өлеш керткән кешеләргә багышланган “Республика йөзләре” күргәзмәләре циклын башлап җибәрде. Әлеге циклдан беренче күргәзмә Татарстан Республикасының Беренче Президенты, Дәүләт Киңәшчесе Минтимер Шәрип улы Шәймиев эшчәнлегенә багышланды. Укучыларыбыз әлеге күргәзмәдән бик яхшы тәэсирләр алып кайттылар.

Бүген гимназия укучылары арасында Һади Такташның шигырьләрен сәнгатьле уку конкурсы үткәрелде. 1-11 сыйныфтан 22 укучы катнашты. Иң яхшыларны сайлап алу жюри әгъзалары өчен бер дә җиңел булмады. Барлык катнашучылар да дипломнар белән бүләкләнде.