16 нчы сентябрьдә беренче сыйныф укучыларын гимназистлыкка кабул итү кичәсе гөрләп узды. Укучылар төрле сынаулар аша  үтеп гимназист булырга лаек икәнлекләрен күрсәттеләр. Гимназист сафына басу өчен гимназист антын тапшырдылар.

"Көзге игелек атнасы" - ул ел саен үткәрелә торган иң игелекле чара. 2021 елның 6 сентябрендә әлеге акциягә безнең гимназиядә старт бирелде. Акция кысаларында гимназиядә төрле юнәлешләр буенча чаралар узды. Чара авыру һәм мохтаҗ балалар һәм сукбай хайваннарны яклау йөзеннән хәйрия ярминкәсе белән тәмамланачак. 11 сентябрьдә сәгать 9.00 узачак Игелек ярминкәсенә көтеп калабыз!

"Татарча диктант 2021" татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү максатыннан үткәрелә. Без дә бу мөһим чарадан читтә калмыйбыз. Быел да гимназиябездә диктант язу мәйданчыгы оештырылды. "Татарча диктант-2021" акциясендә катнашырга теләк белдергән һәркемгә дә гимназия ишекләре ачык иде. Бик күп укучылар диктант язарга теләк белдерделәр. 

Бүген гимназиядә Игелек Атнасы кысаларында"Игелек дәресе" үткәрелде. Ул Халыкара инвалидлар көненә багышланган иде. Укучыларга кызыклы презентацияләр күрсәтелде, нәрсә ул яхшылык, нәрсә ул начарлык икәне аңлатылды. Шулай ук алар үзләре дә күп кенә сорауларга җавап бирә белделәр. Ә инде ахырдан аларга ярдәмгә мохтаҗларга булышырга кирәклеге сөйләнелде.

К сожалению, от пожара или других непредвиденных ситуаций никто не застрахован. В большинстве случаев спасти жизнь помогает правильно организованная, проведенная без паники эвакуация. В нашей гимназии регулярно проводят тренировки по экстренной эвакуации детей из здания. Проверка того, как учащиеся и взрослые соблюдают правила эвакуации, знают маршруты движения, а также правильное проведение всех этапов учений позволяет выработать навык поведения в нестандартной ситуации.

Бүген гимназиядә “Юл  йөрү кагыйдәләре” дигән темага сыйныф сәгатьләре үтте.   Укучылар сыйныф сәгатендә юл йөрү кагыйдәләрен  үтәмәгәндә нинди күңелсез хәлләр килеп чыгарга мөмкин булуы турында сөйләштеләр. Урамда һәм юлда игътибарлылыкны арттырырга кирәклеге турында әйтелде. Юл йөрү кагыйдәләрен  тапкырлау  таблицасы  кебек  белергә кирәк!- дигән нәтиҗә ясалды.

Ел саен 3 сентябрьдә гимназиядә Терроризмга каршы көрәштә бердәмлек көне билгеләп үтелә. Әлеге дата 2004 елның сентябрендә Бесланда булган фаҗига белән бәйле. Бу көнне ил кайчан да булса безнең халык очрашкан террористик агрессия корбаннарын искә ала.Терроризмга каршы көрәштә бердәмлек көне үткәрү кысаларында гимназиядә сыйныф сәгатьләре узды. Әлеге чара балаларда мәрхәмәтлек, көчләүгә тискәре мөнәсәбәт тәрбияләү максатыннан оештырылды.

10 сентябрь көнне сәгать 11.00 гимназия бинасында (Казан шәһәре, Н.Назарбаев ур., 48) "ТАТАРЧА ДИКТАНТ” Бөтендөнья белем бирү акциясе узачак. Барлык теләүчеләрне әлеге чарада катнашырга чакырабыз.

Игелек һәм изгелек татар телендә бер тамырдан. Изгелек җыярга телибез икән, ясалма булмаган, чын күӊелдән игелек кылырга тиешбез. Шунлыктан, иӊ башта якыннарыбыздан башлап, һәрбер кешегә булган карашларыбызны яхшыга үзгәртеп, һәркемгә ихтирам белән карасак иде. Безнең СНТ активистларыбыз бүген “Игелек көне” акциясен башлап җибәрделәр.