2024 елның 23 февраленнән -25 февраленә кадәр П.А. Широков исемендәге математик уеннарның халыкара турниры узды. Безнең гимназияне 5 а сыйныф укучылары лаеклы тәкъдим иттеләр. Алар Мингалеев М., Кисляков А., Сибгатуллин И., Халиков А. 340 дән артык команда, шул исәптән Кипрны да кертеп, әлеге математик уеннарда катнашты. Казаннан 52 команда катнашты. Уен нәтиҗәләре буенча укучылар Казанның иң көчле командалары арасында 16 урынны яуладылар һәм аларның укытучылары Гыйльмиева Г.Г. укучыларны математик яктан бик яхшы әзерләгән өчен рәхмәт хаты белән бүләкләделәр.

21 нче февраль көнне гимназиябездә , 23 февраль — Ватанны саклаучылар көненә багышланган "Әти-гаилә терәге" дип аталган тантана булып узды. Әлеге кичәгә укучыларның әтиләре чакырылды.

Лихачев исемендәге НПК йомгаклары 9 а сыйныф укучысы Багыровны Лихачев исемендәге шәһәр конференциясенең йомгаклау этабында уңышлы чыгыш белән котлыйбыз. Илдар аның эшенә югары бәя алды һәм II дәрәҗә дипломга лаек булды.

21 не февраль Халыкара туган тел көн уңаеннан "Алдынгылар хәрәкәте" активистлары Алсу Маратовна җитәкчелегендә 24 нче балалар бакчасына бәйрәмгә бардылар.
Бәйрәм чарасы балаларның һәм ата-аналарның чыгышлары белән үрелеп барды. Бергәләп "Туган тел" һәм бакчабызның гимнына әйләнгән "Без - татар балалары" җырын да башкардылар. 
 Бәйрәмгә  кунак булып, Татарстанның халык шагыйре - Ренат Харис килгән иде. Халыкара туган тел көне җылы, ихлас атмосферада үтеп китте. 24 нче балалар бакчасындагы коллективка һәм балаларга зур рәхмәтебезне белдерәбез.

21 нче февраль көнне Халыкара туган телләр көнендә гимназиябездә "Халыклар дуслыгы" фестивале узды. 
Бу чарада гимназиябезнең 2-10 сыйныф укучылары актив катнашты. Халыклар дуслыгы фестивале гимназия тарихында беренче тапкыр гына үткәрелми. Укучылар Идел буе районнарында яшәүче халыкларның гореф-гадәтләрен, милли костюмнарын, ризыкларын, музыкасын, җыр-биюен өйрәнеп,укучыларга һәм укытучылар хозурына тәкъдим иттеләр. 
Әлеге фестивальгә әзерләнгәндә балалар, сыйныф җитәкчеләре белән бергә ата-аналар да аеруча җанлана. Милли кием табарга, сәхнә бизәргә, милли ризык пешерергә, кайбер очракта бию хәрәкәтләрен өйрәтергә дә булыша. Бергәләп тырышкач нәтиҗәсе дә афәрин диярлек. Фестиваль бик якты һәм истә калырлык булды.

Февраль аенда Вахитов районы мәктәпләре арасында “Мәктәп волейбол лигасы” булып узды. Безнең гимназиядән кызлар һәм егетләр командалары катнашты. Алар укуда гына түгел, спортта да җитез икәнлекләрен күрсәттеләр. Нәтиҗәдә, егетләребез 2 нче урынны, ә кызлар командасы 3 нче урынны яуладылар. Алда узачак ярышларда да сынатмауларын теләп калабыз!

Гимназиябез укучылары, укытучылары һәм әти- әниләре көче белән җыелган гуманитар ярдәм махсус хәрби операциядә катнашучы солдатларыбызга җибәреләчәк. Шулай ук укучылар безнең солдатларыбыз белән горурланулары турында хат яздылар һәм үзләренең рәхмәтләрен белдереп исән- сау кайтуларын теләп калалар. Гуманитар ярдәм җыюда өлеш керткән һәркемгә зур рәхмәтләребезне белдерәбез! Якташларыбыз махсус хәрби операциядән җиңеп һәм исән-сау әйләнеп кайтсыннар дигән теләктә калабыз.

Математика атналыгы кысаларында 7 нче В сыйныфта ( укытучы Гыйльмиева Г.Г.) традицион Петерсон олимпиадасы узды. 90 минут дәвамында укучылар катлаулы математик мәсьәләләрне хәл итте. Олимпиада тәмамлангач, укучыларга үз карарларын анализларга мөмкинлек бирелде.Барлык катнашучылар да сертификатлар белән бүләкләнде. Нәтиҗәләр ясаганнан соң, иң яхшы укучыларны дипломнар белән бүләкләячәкләр.

19 февраль көнне гимназиябездә Хәрби-патриотик тәрбия айлыгы кысаларында Ватанны саклаучылар көненә багышланган традицион хәрби җыр һәм саф бәйгесе узды.Бәйгедә 2-11 нчы сыйныф укучылары катнашты. Һәр сыйныф жюри алдында җыр белән атлау сәләтен, командаларның сафка тезелү осталыгын, отряд командирлары төгәл командалар бирә һәм үз сыйныфын җиңүгә рухландыра белүләрен күрсәтте. Жюри отрядларны сафта атлау, җыр башкару, смотрда катнашучыларның тышкы кыяфәте, төркем һәм индивидуаль командаларның төгәл үтәлеше, отряд командирларының осталыгы буенча бәяләде.

17 нче февраль көнне гимназиябездә хәрби-патриотик тәрбия айлыгы кысаларында әтиләр белән укучы егетлэребез арасында волейбол турниры булып узды. Турнирны ачу тантанасында гимназия директоры Люция Гапхадиевна ир-егетләребезне якынлашып килүче Ватанны саклаучылар көне белән котлады, аларга яхшы уеннар теләде. Турнирда әтиләр, укучыларыбыз соклангыч, бик матур уен курсәттеләр. Турнир укучыларыбызның музыкаль котлаулары белән  урелеп барды. Гимназиябез чакыруына кушылган әтиләребезгә олы рәхмәтебезне җиткерәбез. Чараны оештыруда катнашкан физкультура укытучылары Ильфат Талгать улына, Камил Масхут улына, сыйныф җитәкчеләренә, гимназия җитәкчелегенә зур рәхмәт. Чараны оештыруда  гимназия укучылар оешмасының актив эшчәнлектә булуы һәрбер кешедә соклану уятты.