17нче гыйнварда 3-4нче сыйныф укучыларыннан төзелгән ике команда ШаянТВга барып, спорт-күңел ачу конкурсында катнашып кайттылар. Арча шәһәренең беренче номерлы мәктәбе укучылары белән көч сынашып, үзләренең спорт буенча да интеллектуаль яктан да өстен булуларын күрсәттеләр. “Җитезләр” командасы  аз гына каушап калсалар ,” Дуслык” командасы (3нче в сыйныф укучылары) , дуслык белән көчле булуларын дәлилләп , бу уенда җиңеп чыктылар.

Рәсем һәм технология укытучысы – Габитова Р.А., иҗат һәм спорт предметлар атнасы башлау уңаеннан.“Салават күпере талантлары” (5-8 класс укучылары) күргәзмәне,мәктәпнең  Мрамор залында оештырды. Анда 5-8 класс укучылары бик актив катнашты. Балалар архитектур биналар, египет , табигат,тематикаларына рәсемнәр ясадылар.

17.01.2020, 3 нче Б сыйныф укучылары Милли музейга экскурсиягә бардылар. Музейда интерактив экскурсиядә катнашып Борынгы чордан алып Казан ханлыгына чаклы булган дәверне колачлаган хәрби вакыйгалар , сугыш коралларының төрледән-төрлесе белән дә  таныштыларр. Аларның үзенчәлекләре, аларга бәйле йолалар турында  мәгълүмат алдылар. Укучыларга музей бик кызыклы булды.

Казан шәһәре Мәгариф идарәсе шәһәр администрациясенең Казан шәһәрендә яшәүче халыкларның телләрен һәм мәдәниятен үстерү фонды һәм А.Алиш исемедәге балалар иҗат Сарае 1996 нчы елдан башлап, татар халык җырларын, татар эстрада җырларын иң оста башкаручылар арасында “Казан сандугачы” җыр бәйгесен үткәрә. Әлеге бәйгедә Гатауллина В. Д., Рамазанов Р. Ф. һәм Хаҗиев А. И. җитәкчелеге астында безнең укучыларыбыз да катнашты. Уңышлар телибез!

11 гыйнварда - иң әдәпле бәйрәмнәрнең берсе - Халыкара "Рәхмәт" көне бәйрәм итеп үтелә! Әлеге бөтендөнья бәйрәме интернетның рәсми бәйрәмнәре исемлегенә кертелгән. Аны ЮНЕСКО һәм Берләшкән Милләтләр Оешмасы вәкилләре юкка гына башка көннәр арасында "Иң илтифатлы көн" буларак билгеләмәгәннәр.Чыннан да, телебездә "Рәхмәт"тән дә ешрак әйтелә торган абруйлы, дәрәҗәле сүз юк. Аны әйтергә сәбәп чыккан саен кабатлыйбыз. Әйдәгез без дә бер-беребезгә "җылы сүзләр" генә әйтик. Салкын кышкы көннәрдә бер-беребезнең җаннарыбызга җылы өләшик!

Безнең гимназиядә "Чыршыны саклыйк» конкурсына йомгак ясалды. Үз эшләрен 24 сыйныф тәкъдим итте.

Декабрь бураннары, кышкы салкыннарда җемелдәгән йолдызлар алып килгән Яңа ел белән котлыйбыз! Бәйрәмегез мөбарәк, күңелле, куанычлы булсын. Эшләрегез уң булсын, чәчәк атсын, күңелегездәге мәрхәмәтлелек нуры җаныгызны тагын да ягымлы, матур итсен, ялкынландырып бизәсен. Сезгә һәм якыннарыгызга Яңа елны яхшы кәеф һәм өметләр белән каршылавыгызны телибез!

Казанда «Тату сыйныф серләре» республика конкурсының зона этабы узды. Тату сыйныф нинди булырга тиеш? Гаилә һәм мәктәп ничек хезмәттәшлек итәргә тиеш? Бу темага үз проектларын Казан мәктәпләре тәкъдим итте. Тугыз мәктәп командасы «Казанның иң тату сыйныфы» исеме өчен көрәште, шулай ук конкурс финалында шәһәр данын яклау хокукы бирелде. Күргәзмә өчен «визиткалар» әзерләү, иҗади эшләр, сыйныф тормышы турында портфолио, гаилә һәм мәктәпнең үзара хезмәттәшлеге турында проектлар әзерләү ата-аналарны, балаларны һәм укытучыларны берләштерде. Барлык конкурс нәтиҗәләре буенча безнең командабыз 3 нче урынны алды. Котлыйбыз!