Бүген, 16нче сентябрь көнне, гимназиябездә планлы уку эвакуациясе үтте. Укучылар, укытучылар, гимназия хезмәткәрләре тиешле бөтен таләпләрне дә үтәделәр.

16 сентябрь көнне гимназиядә «Бергә үсәбез» дигән шәһәр акциясе узды. Анда икенче сыйныф укучылары һәм аларның сыйныф җитәкчеләре катнашты. Акция кысаларында агач үсентеләре утыртылды, алар балалар белән бергә үсәчәк. Акция укучыларда гаилә статусын ныгыту, тискәре социаль күренешләргә каршы тору, шәһәр, өлкә, дәүләт язмышында катнашу, гаилә тәрбиясенең иң яхшы тәҗрибәсен трансляцияләү максатыннан үткәрелә.

Бүгенге көндә әйләнә-тирә дөнья бертуктаусыз һәм динамик рәвештә үзгәрә. һөнәрләр дөньясы  барлык икътисади, социаль һәм хәтта сәяси үзгәрешләрне чагылдыра, шуңа күрә  шәхескә карата да таләпләр даими үзгәреп тора. Бу, үз чиратында, һөнәри юнәлеш бирү проблемаларын тагын да кискенләштерә. Идеаль хәлдә яшүсмер актив, эшчән булырга, хезмәт базарындагы вәзгыятькә тиз җайлаша белергә, һөнәрләрнең күптөрлелегенә уңышлы ориентлашырга һәм аның шәхси сыйфатларының сайлаган белгечлеккә ни дәрәҗәдә туры килүен билгели белергә тиеш. Бүген кооператив институты вәкилләре 9 һәм 11 сыйныфларда лекцияләр үткәрделәр.

15 сентябрьдә “Татарстан Варислары” берлегенә 30 ел тулды. Ул республиканың иң массакүләм балалар оешмасы булып тора. "Татарстан варислары" пионерия хәрәкәтенең структурасын саклаган. Оешманың үз тамгасы, Татарстан әләменең өч төсеннән торган галстуклар. "Татарстан варислары" берлегенең максаты -  балаларда рухи кыйммәтләр, туган якка, Ватанга мәхәббәт тәрбияләү, балаларда әйләнә-тирә мохиткә карата шәфкатьлелек уяту, ялларны бергәләп, күңелле итеп оештыру. Безнең гимназиянең күпчелек укучылары "Татарстан Варислары” берлеге әгъзасы булып торалар.

207нче номерлы-ФЗ (29.11.2012 ел)  Федераль закон нигезендә, РФ Җинаять кодексына алдауның үзенчәлекле төрләре, шул исәптән түләү карталарыннан файдаланып алдау буенча җинаять җаваплылыгы өлкәсендә кайбер үзгәрешләр кертелде. 2019 ел нәтиҗәләре буенча мобиль элемтә һәм «Интернет» челтәре аша алдау гамәлләренең тискәре үсеше күзәтелә.(видеороликлар дистанцион укыту= тәрбия эше рубрикасында урнашкан).

Гимназиябезнең быелгы чыгарылыш сыйныфы укучысы, бүгенге көндә КФУ студенткасы Ләйсән Фатихова, үзенең укытучысы Гөлгенә Вазыховна Нурмиева белән "Татар – информ" мәгълүмат агентлыгында булып, журналист сорауларына җавап бирделәр.

Казан шәһәре Башкарма комитеты мәгариф идарәсенең эш планы нигезендә, 2020 елның 6-12 сентябрь көннәрендә барлык белем бирү учреждениеләрендә “Игелек атнасы”  игълан ителә. Гимназиядә, әлеге чара кысаларында, укучыларны төрле игелекле эшләргә җәлеп итүгә юнәлдерелгән төрле акцияләр үткәрелә.

2020 елның 3 сентябрендә гимназиядә Бөек Ватан сугышы вакыйгалары темасына "Җиңү диктанты"дигән Бөтенроссия тарихи диктант булып узды. Акциядә безнең гимназия укучылары, тарих, башка фән укытучылары, Җир һәм мөлкәт мөнәсәбәтләре министрлыгы вәкилләре - Масленков Олег Александрович һәм Дернова Татьяна Валентиновна катнаштылар.

Белем көнендә, гадәттәгечә, Россия ГТХМ хезмәткәрләре мәктәпләрдә дәресләр үткәрә, аларның максаты-укучыларга озын җәйге каникуллардан соң янгын куркынычсызлыгы кагыйдәләрен үтәү турында искәртү.

1 сентябрьдә Россия янгын күзәтчелеге буенча дәүләт инспекторлары 6 А сыйныф укучылары белән дәрес үткәрделәр.