Укучылар лагерьда күңел ачып кына калмыйлар, ә вакытны файдалы итеп тә үткәрәләр. Бүген «Театр ел»ына багышланган чаралар узды. Балалар «Мәктәптән тыш эшләр» үзәгенә бардылар. Актерлык осталыгы буенча мастер-класста катнаштылар. Укучылар арасында шигырьләр конкурсы, әдәби-музыкаль композицияләр, театральләштерелгән тамашалар үткәрелде. Көн кызыклы һәм файдалы үтте.

2 нче ноябрь көнне «Энҗе бөртекләре» көзге сәламәтләндерү лагере үз эшен башлап җибәрде. Балалар төркемнәргә бүленеп әйдәманнары һәм бер-берсе белән таныштылар, отряд почмаклары ясадылар, лагерь җырлары өйрәнделәр. 41 нче балалар китапханәсе китапханәчесе «Куркынычсыз балачак шәһәре» дигән темага сыйныф сәгате үткәрде. Көннең икенче яртысында төрле уеннар, конкурслар «Идеяләр ярминкәсе», инглиз теле, музыка буенча түгәрәкләр узды.

ТР икътисад министры йөкләмәсе буенча «МастерСити» ҖЧҖ («Кидспейс» балалар шәһәре һәм «Татарстан Республикасында эшмәкәрлеккә ярдәм итү фонды «КМК») Казан шәһәренең белем бирү учреждениеләрендә укучылар арасында эшкуарлык күнекмәләре буенча “Идеяңны эш белән күрсәт” мәгълүмати-уен курсын гамәлгә ашырдылар. Казан шәһәренең 7б сыйныфы укучылары Сибагатуллина Адилә һәм Хәлилова Лола (кл. җитәкчесе Яруллина Г. Р.).) курсны уңышлы үтеп, сертификатлар белән бүләкләнделәр. Афәрин, эшмәкәрлек серләрен өйрәнүчеләр!

Иртәгә, 2нче ноябрь көнне, гимназиябездә көзге мәктәп яны лагере эшли башлаячак. "Энҗе бөртекләре" лагеренең  җитәкчесе Маннапова Зульфия Махмутовна. Лагерь иртәнге 8.30 сәг.  кичке 15.00 сәг. кадәр эшләячәк. Барлык теләүчеләрне мәктәп яны лагеренә чакырып калабыз.

30 октябрь көнне безнең гимназиядә "Чыныгыгыз, балалар" сәламәтлек сәгате булып узды. Чара яшүсмерләргә сәламәт тормыш рәвешен пропагандалау һәм  начар гадәтләрне кисәтүгә багышланган  иде. Әңгәмәләр, сыйныф сәгатьләре, лекцияләр слайдлар белән үрелеп барды, шулай ук төрле уеннар, викториналар оештырылды.

28 октябрь көнне безнең гимназиядә «Юл хәрәкәте иминлеге көне» булып узды, аның кысаларында балаларның юл-транспорт имгәнүләрен кисәтү һәм кисәтүгә юнәлдерелгән чаралар үткәрелде. Юл хәрәкәте иминлеге темасына әңгәмәләр, сыйныф сәгатьләре, лекцияләр үткәрелде. Кайбер сыйныфлар хәтта әлеге темага плакатлар да ясадылар.

24нче октябрь көнне 5б сыйныф укучысы Сунгатова Рената (укытучысы Толстова В.И.) Россия ислам институтында узган "Медиатолерантлык-2020" төбәк (Идел буе) фәнни - гамәли конференциясендә катнашты. Катнашучылар төрле мастер-классларда катнаштылар, кыйммәтле бүләкләр белән бүләкләнделәр.

Соңгы берничә елларда республикабызда һәм шәһәребездә автотранспорт саны, юлларда машина хәрәкәте бик нык артты. Шуның нәтиҗәсендә балаларның юл-транспорт һәләкәтенә юлыгу куркынычы да көчәя. Күп кенә очракта бу куркыныч һәләкәткә балалар үзләре сәбәпче була. Бүген безнең гимназиядә ЮХИДИ инспекторы,  өлкән лейтенант Гостев М.С. юлда куркынычсызлык кагыйдәләре буенча лекцияләр  үткәрде.

Бүген, 19 октябрьдә, Россиядә Лицейчы көне билгеләп үтелә. Бәйрәм 1811 елда ачылган Патша авылы лицее истәлегенә багышлана. Анда шагыйрьләр Пушкин һәм Дельвиг, диңгездә йөзүче Матюшино, канцлер Горчаков һәм декабристлар Пущин һәм Кюхельбекер укыган. Гимназиядә бу көнне бөек язучылар иҗатына багышланган "Әдәби мәйданчык" үткәрелә. Быел, кызганычка каршы, бу бәйрәмне без, җыелышмыйча, аерым билгеләп үтәргә мәҗбүр. Укучылар өчен мәгълүмати бишминутлык үткәрелде, фильм күрсәтелде һәм әсәрләр укылды.