Татар телен саклау һәм үстерү мәсьәләләре буенча Татарстан Республикасы Президенты каршындагы Комиссия үзешчән һәм профессиональ нәфис сүз осталары арасында «TATAR сүзе» («TATAR сузе») конкурсын оештыра.  Әлеге бәйгедә гимназиябез укучылары Шакиров Рүзәл һәм Исхаков Әмирхан да катнаштылар (укытучылары – Г,В.Нурмиева). Рүзәл белән Әмирханга Рәхмәт хаты тапшырылды. Конкурс татар телен һәм әдәбиятын популярлаштыру, татар нәфис сүзенә карата кызыксыну уяту һәм Шигъри сүзнең сыйфатын тою, татар телен һәм мәдәниятен үстерү, татар классик әдәбиятын халыкның бай тарихи - мәдәни байлыгы буларак саклау максатыннан оештырыла. Татарстан Республикасы Президенты Р. Н.Миңнеханов 2021 елны туган телләр һәм Халык бердәмлеге елы дип игълан итте. Телебезне, милли әдәбият һәм сәнгать җәүһәрләрен саклау – безнең уртак бурычыбыз.