“Мөстәкыйль балалар» проектының «Яңа буын” отряды волонтерлары  “Хәзер бул! Юк-дип әйт!”дигән наркотиклар куллануга каршы  оештырылган республика акциясендә катнашып, үзләренең “Синең сайлавың-синең тормышың” дигән акцияләрен әзерләп уздырдылар. Укучылар җитәкчеләре Антонова Л.М. белән Югары Ослан “Агрофирма” сөт заводына бардылар, шулай ук авыл советы идарәсенә керделәр, урамнан узучыларга наркотикларның кеше тормышына  янаган куркынычы турында аңлаттылар. Шулай ук алар төрле сораулар бирделәр, викторина үткәрделәр, имзалар җыйдылар. Барлыгы 46 имза җыелды. Наркотикларны куллануга каршы булулары турында акциядә  катнашучылар үз фикерләрен әйттеләр.

Бөтенроссия “Президент сынаулары” ярышының мәктәп этабы чыгышларында Макыл урта мәктәбендә укучылар арасында   иң көчле спортчылар итеп 7нче сыйныф укучылары билгеләнде. Бүген, 3нче апрель көнне, “Иң шәп җиделек” командасы район этабы спорт ярышларына мәктәп данын яклау өчен киттеләр. Аларга зур уңышлар теләп калабыз!

Макыл урта мәктәбеннән 11укучы ДЙА һәм БЙА материаллары буенча  III Бөтенроссия “Каләм һәм формула. Язгы сессия.”дигән  бәйге-уенда катнаштылар. III дәрәҗә Дипломына 10нчы сыйныф укучысы Хабибуллина Алия һәм 11нче сыйныф укучысы Мартышина  Марина ия булдылар. Аларның җитәкчеләре Белкина Т.А. һәм  Маханова Т.А. укучыларның иҗади һәм интеллектуал эшчәнлекләрен оештыруда  активлык , профессионализм күрсәткән өчен Рәхмәт кәгазьләре белән бүләкләнделәр.

1нче сыйныфта яз көненә багышланган кичә уздырылды. Кичәгә әбиләр, әниләр чакырылды. Балалар бәйрәмгә бик әзерләнделәр: бүлмәне бизәү өчен төрле бизәкләр эшләделәр, бүләкләр әзерләделәр, җырлар, шигырьләр өйрәнделәр. Әниләр үзләренең балалары башкарган осталыкларын бик теләп тыңладылар, алар белән бергәләп биеделәр, төрле бәйгеләрдә катнаштылар. Бүләкләрен дә чын күңелдән кабул иттеләр, бәйрәмнән барысы  күтәренке күңел белән таралаштылар.

 2014нче елның 12нче мартында мәктәпкә профорентацион эш уздыру максаты белән Тәтеш авыл хуҗалыгы техникумыннан агрономия бүлеге җитәкчесе Сумбаева О.Н, укытучы Преснов С.М..килделәр.Алар укучыларга техникумның уку-укыту эшләре , яшәү шартлары турында сөйләделәр. 9нчы сыйныф укучыларын укырга керү шартлары, укып бетергәч эшкә урнашу тәртибе, стипендия түләү шартлары кызыксындырды. Шул ук вакытта техникумда нинди белгечләр әзерләнүе турында да сораштылар.

Бүген мәктәпнең 9, 11нче сыйныф укучылары өчен рус теленнән сынап карау имтиханы уздырылачак. Бу имтихан Югары Ослан мәктәбендә үткәрелә. 9нчы сыйныф укучылары тест биремнәре, кыскартылган инша язачаклар, ә 11нче сыйныф укучылары  тест биремнәрен эшләячәкләр, инша язачаклар. Уку елы тәмамланырга аз гына вакыт калды, шуңа күрә үзеңнең белемнәреңне сынап карау – бик кирәкле  эш. Укытучылар сынап карау имтиханында булган хаталарны төзәтү эшен ел ахырына кадәр алып барачаклар.

В настоящее время на Портале представлено 185 услуг и сервисов, которые позволяют получать государственные, муниципальные и социально значимые услуги в электронном виде.

При помощи Портала граждане могут оплатить штрафы за нарушение правил дорожного движения, начисления за услуги ЖКХ, текущие налоговые начисления и задолженности, внести платежи по социальной ипотеке, дополнительные страховые взносы на накопительную часть трудовой пенсии, проверять оценки детей в режиме онлайн, записаться на прием к врачу и воспользоваться иными электронными услугами.