Көтеп алган көн килеп җитте. Бүген балалар Ислейтар лесхозына сәяхәткә баралар. Сәгать 8 дә үк иртәнге ашны ашадылар да балалар юлга әзерләнделәр. Үзләре белән хайваннарны ашату өчен ипи кисәкләре дә алып килгән иделәр. 2 сәгатькә якын сузылган юл да балаларны арытмады. Балалар сәяхәттән бик канәгать булып кайттылар. 

Бүген төшке аштан соң балалар белән дару үләннәре җыярга чыгып киттек. Көн бик матур. Тәрбиячеләр балаларны дару үләннәре белән таныштырдылар, ничек җыярга, киптерергә икәнен аңлаттылар. 9 төрле үлән җыеп мәктәпкә алып кайтып киптерергә җәеп куйдык. Балалар бик күп мәгълүмат белделәр. Шатланып өйләренә таралыштылар. 

Бүгенге көн балалар күңелендә бик озак сакланыр. Мүлмә мәдәният йорты ишекләрен киң итеп ачып безне көтте. Балалар "Кәрлә - мәктәп баласы" дигән спектакльне тын да алмый  карадылар. Укучыларның йөзләрендә елмаю һәм шатлык иде. 

Бүгенге көн "Мульти - пульти" дип аталды. Мультфильм карадык, аннары "Мультвопросы" уздырылды, мультфильм музыкасы буенча "Угадай мелодию"үткәрдек. Балаларга бик ошады.

Урррааа! Без бүген бик нык көтеп алган Ямәширмәдәге Страусиная фермага сәяхәт ясадык. Анда бик күп төрле хайваннар күрдек. Утырып та йөрдек, тотып та карадык, ашаттык та. Бик шатланып йөрдек без анда.  

Бүгенге көн “Сәламәт булыгыз!” дигән баш астында үтте. Зарядка төрле халык биюләре белән үткәрелде. Иртәнге аштан соң балалар саф һавага чыгып киттеләр. Көн бик рәхәт. Башта футбол уйнадылар, аннары “Буяу сатыш”, “Бәрәңге”, “Так калыш” кебек халык уеннары булды. Төшке аштан соң “Мы за ЗОЖ” дигән презентация карадылар, ә аннары викторина по основам безопасности жизнедеятельности “Будь самостоятельным, но осторожным и внимательным” уздырдылар. Болар барысы да сәламәтлекнең бик зур байлык һәм сәламәтлекнең үз кулыбызда икәненә төшендерде. 

Буген без балалар белән "Көйне уйлап тап" уенын уйнадык. Дуслык турында җырлар кабатладык. Хәрәкәтле уеннар уйнадык һәм урамда флеш-моб оештырдык. Анда 13 төрле музыка астында биюләр кертелгән иде. Шулай ук ел буе "СМС-дети" группасы белән өйрәнгән биюләрне искә төшердек. Бик күңелле булды.

Көн бик кызу. Без мәктәп эчендә генә төрле группаларга бүленеп уеннар уйнадык. Балаларга "Көзге белән фокус" уены аеруча ошады.

Бүгенге көнне зарыгып көтеп алдык. Без бүген Иске Казан музей-заповеднигында. Экскурсовод Алсу Фаттаховна 2 этажлы музейда безгә бик күп яңалыклар сөйләде. Элеккеге вакыттагы эш кораллары, ату җайланмалары күрдек. Мүлмә кешеләре алып килгән уен коралларын карадык, мамонт тешен күрдек. Музейда бик күңелле булды. Урамда сәхнәдә концерт куйдык.