"Әдәпленең күлмәге сәдәпле, үзе матур гадәтле" дигән баш астында үтте.Балалар тылсымлы сүзләрне күбрәк кулланырга дигән нәтиҗәгә килделәр. Мәкаль, әйтемнәр әйтештек, "Һәр көнне изгелек кыл!" дигән викторина булды.

Бүгенге көн "Биектау районына 80 ел" дигән исем астында үтте. Без барыбыз бергә район музеенда экскурсиягә бардык. Авылдашыбыз Билал Салахович балаларның яшь үзенчәлекләренә туры китереп экспонатлар турында сөйләде. Аннары фонтан янында туңдырма ашап ял иттек һәм Ял паркына юнәлдек. Анда төрле транспортлар күрдек. Рәхәтләнеп ял иттек. Бик күңелле булды. Мәктәпкә кайткач "Район символикасы" дигән әңгәмә үткәрдек.

Бүген балалар белән "Сәламәт яшәү рәвеше" темасы астында рәсем конкурсы уздырдык. 35 бала да бик матур рәсемнәр ясадылар. Иң матур рәсемнәрне Салахутдинова Алия, Галиахметова Рамилә, Марданова Йолдыз ясады. Соңыннан бергәләп фотога төштек. Рәсемнәрне "Укучылар иҗаты" стендына элеп куйдык.

Авылыбыз һәйкәленә сәяхәт иттек, аның алдына утыртылган чәчәкләрне карадык, чүпләрне утадык. Хәрби-патриотик җырларны искә төшердек һәм җырладык. Сугыш темасына багышланган шигырьләр конкурсын үткәрдек.

Укучылар белән көндәлек режим турында сөйләштек. Чисталык темасына табышмакларны искә төшердек. Соңыннан мәктәп аланында, музыка астында, зарядка ясадык.

Ял һәм эш лагеры укучылары һәр көнне үзләренең көне буе эшләгән эшләренә отчет-рәсем ясап бардылар һәм шимбә көнне бу язмаларны тоташтырып летопись ясап аны бөтен лагерь укучыларны сөйләп үттеләр. 

Мы все стремимся побывать в других городах и странах. Но оказывается изучать окрестности села не менее интересное приключение, чем дорогие экскурсии. И главное ближе сердцу. Ведь село Мульма такое родное. 

Балалар белән Красна посадкасына җиләккә бардык. Әй күңелле булды да соң! Балаларны урман, аланлык, анда үз-үзеңне тоту кагыйдәләре белән таныштырдык. Җәнлекләр, кошлар, үсемлекләр арасындагы бәйләнешләрне баларга аңлаттык, һәр нәрсәнең кирәклегенә басым ясадык. Үсемлекләргә, җәнлекләргә, табигатькә карата сак караш булдырырга тырыштык. Балалар рәхәтләнеп җиләк ашадылар, җыйдылар, тәгәрәделәр, көлделәр. Көнебез бик күңелле үтте.