Урррааа! Без бүген бик нык көтеп алган Ямәширмәдәге Страусиная фермага сәяхәт ясадык. Анда бик күп төрле хайваннар күрдек. Утырып та йөрдек, тотып та карадык, ашаттык та. Бик шатланып йөрдек без анда.  

Бүгенге көн “Сәламәт булыгыз!” дигән баш астында үтте. Зарядка төрле халык биюләре белән үткәрелде. Иртәнге аштан соң балалар саф һавага чыгып киттеләр. Көн бик рәхәт. Башта футбол уйнадылар, аннары “Буяу сатыш”, “Бәрәңге”, “Так калыш” кебек халык уеннары булды. Төшке аштан соң “Мы за ЗОЖ” дигән презентация карадылар, ә аннары викторина по основам безопасности жизнедеятельности “Будь самостоятельным, но осторожным и внимательным” уздырдылар. Болар барысы да сәламәтлекнең бик зур байлык һәм сәламәтлекнең үз кулыбызда икәненә төшендерде. 

Буген без балалар белән "Көйне уйлап тап" уенын уйнадык. Дуслык турында җырлар кабатладык. Хәрәкәтле уеннар уйнадык һәм урамда флеш-моб оештырдык. Анда 13 төрле музыка астында биюләр кертелгән иде. Шулай ук ел буе "СМС-дети" группасы белән өйрәнгән биюләрне искә төшердек. Бик күңелле булды.

Көн бик кызу. Без мәктәп эчендә генә төрле группаларга бүленеп уеннар уйнадык. Балаларга "Көзге белән фокус" уены аеруча ошады.

Бүгенге көнне зарыгып көтеп алдык. Без бүген Иске Казан музей-заповеднигында. Экскурсовод Алсу Фаттаховна 2 этажлы музейда безгә бик күп яңалыклар сөйләде. Элеккеге вакыттагы эш кораллары, ату җайланмалары күрдек. Мүлмә кешеләре алып килгән уен коралларын карадык, мамонт тешен күрдек. Музейда бик күңелле булды. Урамда сәхнәдә концерт куйдык.

Бүгенге көн "Сәламәт бул!" дип аталды. Без Куркачи мәктәбе укучылары белән футбол ярышына бардык. Сәламәтләндерү лагеры, эш һәм ял лагеры укучылары Коркачык укучылары белән футбол уйнадык. Коркачыклар футболны шәп уйный икән. Алар җиңсә дә, без күңелләребезне төшермәдек. Тагын да яхшырак уйнарга кирәклегенә ышанып кайттык.

Төшке аштан соң клуб, китапханә белән берлектә "Сәламәтлек - зур байлык" дигән баш астында "Без - наркотикларга каршы!" дигән акциядә катнаштык.