Чишмә тирәсен чистарту саваплы эш.

6 нчы сыйныф укучылары  мәктәп фондына узләреннән өлеш керттеләр. Алар Татмелиорация-Агро идарәсе әйләнәсен кардан арындырдылар. Моның өчен идарә җитәкчесе аларга акчалата бүләк биргән. 6 нчы сыйныф укучылары ул акчаны мәктәп фондына тапшырдылар.Рәхмәт аларга!  

Яхшы эш югары бәяләнде.Молодцы!Башкалар да алардан үрнәк алсыннар иде.

Олы юл янында яшәгәнлектән Фәридә апанын капка төбенә эттереп киткәннән соң да кар өелеп кала.Укучылар аңа бик теләп булышалар.

Бүген мәктәптә ГТО нормаларын тапшыру буенча фестиваль булып узды. Бу фестивальдә 35 укучы катнашты.  Турникта тартылу, отжимание, чаңгыда йөгерү кебек спорт төрләре буенча укучылар һәм мәктәп коллективы үзләрен сынадылар

Бөек Ватан сугышында һаләк булганнар истәлегенә куелган обелиск-һәйкәл әйләнәсен безнең мәктәп укучылары ел әйләнәсе даими чүп-чардан, кардан чистартып торалар.

Мәктәп тракторы тик тормый. Мәктәп ишек алдын, капка төбен, каток әйләнәсен кардан чистарту эшен трактор бик җиңел башкара. Чишмә юлын, клуб, кибет, идарә тирәләрен дә  ялт иттереп эттереп куя.

Кар күп яуган вакытта урамнарны да чистарта. Авыл халкы мәктәп директоры Зәбиров Нәгыйм Абдулхак улына бик РӘХМӘТле.Чөнки штурвал артында ул үзе.

"Чишмәкәй" балалар бакчасы капка төбен һәм керү юлларын укучылар "Эһ!" дигәнче кардан чистартып алалар. Алар моның өчен бакча хезмәткәрләреннән  "РӘХМӘТ" сүзләре ишетәләр.

Укучылар сугыш ветераны Җиһаншин Әдһәм абыйнын капка төбен һәм ишек алдын кардан чистартырттылар.

Укучылар иске Яна елны каршы алу көнен бик күңелле билгеләп үттеләр.

Кышкы каникул көннәрендә мәктәп укучылары һәм авыл яшьләре катокны шома , тигез итеп катырдылар. Көндез кечкенә балалар тимераякта шусалар, кич белән авыл яшьләре шау-гөр килеп хоккей уйнадылар.  4 баганадагы прожектордандан төшкән яктылык астында  бик күңелле итеп уйныйлар.

Мәктәп дирекциясе авыл яшьләренә зур рәхмәтен белдерә!