Оборона-масса айлыгында ел саен уздырыла торган "Аҗаган" уенына эзерлек кызу темплар белән бара. Командалар биатлон буенча көч сынашалар.

Чаңгы ярышы гөрләп бара. Башлангыч сыйныф укучылары ярышында 3 нче сыйныф укучысы Гайфуллин Булат беренчелекне алды.

Зур сыйныф укучылары арасында егетләрдән  9 нчы сыйныф укучысы Фазылҗанов Рәзил, кызлардан  6 нчы сыйныф укучысы  Валеева Тансылу җиңу яулады.

Котлыйбыз аларны!!!!!!!!!! Алар спортта да , укуда да алдынгылар.

"Иске китапларга беренче  ярдәм" акциясе уңышлы бара.

"Гаилә - дәүләт нигезе" дип исемләнгән конкурсның йомгаклау турында  безнең мәктәп укытучылары гаиләсе катнаша. Гаилә башлыгы Насыйбуллин Зөлфәт  Зөфәр улы тарих, җәмгыять белеме, физик тәрбия, технология дәресләрен укыта.  Насыйбуллина Энҗе Фаукат кызы татар теле һәм әдәбияты дәрекләрен укыта, шул ук вакытта  педагогик коллективның профсоюз оешмасын җитәкли. Олы кызлары Лиана 6 нчы сыйныфта укый, барлык фәннәрне дә "5" ле билгеләренә генә үзләштерә. Киләчәктә укытучы булырга хыяллана. Кече кызлары Ралинэ 1 нче сыйныфта бик тырышып укый, бик талантлы укучы. 

Бу гаилә укытучылар нәселеннән.

   Бөек Ватан сугышы ветераны Зиганшин Әгзам абыйга мәктәп укучылары системылы булышып торалар. Кар яуган көннәрдә укучылар көрәкләр алып ярдәмгә ашыгалар. Ветеран укучыларга рәхмәтләр укый. Укуларында уңышлар, саулык теләп яннарында йөри.

Мәктәп тракторы район үзәгенә барып эшләп кайткач мәктәп  ишек алдын чистартырга да өлгерде 

Олы Кавал авыл халкы җыены мәктәп бинасында узды. Җыенда мәктәп директоры Зәбиров Нәгыйм Абдулхак улы җыенга килгән халыкны мәктәп тормышы, Бизнес план һәм аның үтәлеше белән таныштырды, авыл җирлеге башлыгы Зәбиров Хәлим Абдулхак улы  2015 елга отчет белән таныштырды.Җыенда район башлыгы урынбасары Галаутдинова Ләйсән Илгиз кызы катнашты. Ул авылның мөмкинчелекләрен искәртеп китте. Авыл тормышында бердәм һәм актив булырга өндәде.