Мәктәптә Яңа елга әзерлек башланды! Иске Дөреш мәктәбе укучылары бик тырышып шугалак катыралар, тау ясыйлар һәм Кыш бабайга күчтәнәчкә шигырьләр һәм җырлар өйрәнәләр.

26 ноябрь көнне мәктәпнең актлар залында куңелле бәйрәм кичә уздырылды. Җирдә иң кадерле булган кешеләребез - Әниләр бәйрәме уздырылды. Бәйрәмгә мәктәпнең барлык әниләре дә килгән иделәр. Башта укучылар һәм укытучылар катнашында бәйрәм тантанасы уздырылды. Соңыннан "Әниләр" һәм "Нәниләр" командалары арасында кызыклы ярышлар оештырылды. "Әниләр " командасы өлгерлек һәм җитезлек күрсәтеп беренче урынны яулады. Бәйрәмне тәрбия эшләре буенча директор урынбасары Сәйфетдинова Лилия Шириаздановна оештырды. Соңыннан бәйрәм чәй табыны артында дәвам итте.

Мәктәбебез кечкенә булса да төш кенә. Һәр көнне нинди дә булса берәр чара уздырырга тырышабыз. Менә тагы мәктәптә "Мини-футбол" ярышы кысаларында класслар арасында футбол ярышлары уздырдык. Балалар бик күнелле ял иттеләр, көчләрен сынаштылар. Бигрәк тә 8 класс егетләре үзләрен уңай яктан күрсәттеләр. 

27 сентябрь көнне мәктәптә 8 класста гражданнар оборонасы дәресе үтте. Аны мәктәпнең ОБЖ укытучысы Хафизова Гөлназ Анваровна уздырды. Укучылар дәрестә гадәттән тыш хәлләрдә үз-үзләрен дөрес тотарга, саклану чараларын кулланырга, бер-берсенә ярдәм күрсәтергә өйрәнделәр

1 октябрь көне инде ничә еллар илебездә Өлкәннәр көне буларак билгеләп үтелә. Безнең Иске Дөреш төп белем бирү мәктәбе дә бу чарада актив катнашты. Традиция буенча бу көнне мәктәпкә зур кунак буларак озак еллар мәктәптә эшләп лаеклы ялга чыккан ветеран укытучылар чакырылды. Чара бик күңелле үтте, соңыннан очрашу чәй табыны артында дәвам итте.

28 сентябрь көнне Иске Дөреш мәктәбендә боскетбол ярышлары уздырылды. Класслар арасында иң җитез һәм көчлеләр булып 8 класс укучылары табылды.

27 сентябрь көнне Иске Дөреш төп гомуми белем бирү мәктәбендә барлык классларда да “Чисталык дәресләре” уздырылды. Укучылар табигать турында, йорт һәм кыргый хайваннар турында кызыклы информацияләр тыңладылар һәм сөйләделәр. Чисталык дәресләре бигрәк тә 2-4 һәм 8 классларда кызыклы һәм оешкан төстә утте. Класс җитәкчеләре Габсаматова Фәүзия Хайдаровна һәм Сәйфетдинова Лилия Шириаздановна кызыклы материаллар әзерләп, төрле конкурслар, ярышлар уздырдылар. Тәнәфестә концерт номерлары куелды.