14 февраль көнне Иске Дөреш төп гомуми белем бирү мәктәптәбендә митинг булып үтте. Ул 15 февраль-Совет гаскәрләренең Әфганстаннан чыгырылган көне уңаеннан үткәрелде. Бу көннән соң чирек гасыр үтсә дә, тәндәге генә түгел җандагы яраларның да сызланып туктаганы юк.

ӘФГАН
Әфганстан, әфган...Таулар-ташлар иле.
Бәгырьләрне өтеп исә сәмум җилең.
Сугыш уенында гади солдат идем.
Кыялар артында минем туган илем.

Кайгы ташый илгә ”Кара кызалаклар”
Их, яшисе иде! Гомер тузганактай
Иртән чәчәк атты, кич таралды җилдә,
Тузанга буталып ерак чит-ят җирдә.

Безнең авыл җирлеген дә читләтеп үтми әфган сугышы. Ил алдындагы бурычларын Әфган җирендә үтәп кайтучы егетлэребез бар.
Алар - Зиннатуллин Илгиз, Юсупов Илнур, Валиуллин Илгиз, Сайфетдинов Айрат, Ишмакаев Асхат, Хасанов Илсур.
Әмма, рәхимсез үлем арабыздан Валиуллин Илгизне тартып алды. Бер минутлык тынлык белән искә алдык, каберенә чәчәкләр салдык Илгиз абыйның.
Мондый кайгылар бүтән килмәсен, сугышлар кабатланмасын иде . Тынычлык һәм бәхет телибез һәркемгә.

11 февраль көнне мәктәпнең җитезләр командасы "Аҗаган -2014" ярышына бардылар. Алар төрле конкурслар, ярышлардан соң 3 нче урын яуладылар. Катнашкан укучыларга рәхмәт белдерәбез.  

27 января вся страна отмечала  70-летие полного освобождения Ленинграда от блокады.

Поэтому поводу в МБОУ «Стародрюшевская ООШ» проводились мероприятия:

- Уроки мужества  с учащимися в школьном музее. Из нашего села были ветераны, которые участвовали в освобождении Ленинграда от блокады. Ученики знакомились материалами, рассказами ветеранов ВОВ ,  которые рассказали сами, когда были живыми. К сожалению,этих ветеранов уже нет в живых, но память о них  осталось.

Кышкы каникул вакытында мәктәбебезнең шахмат-шашка уеннарын яратучылар Яр Чаллы шәһәренә ярышка бардылар. Алар аннан зур уңышларга ирешеп каттылар. 9 класс укучылары призлы урыннар алып кайттылар. Без егетләне җиңүләре белән котлыйбыз, алга таба да биек үрләр яулагыз дибез.

Быел кар күп яуды. Балалар рәхәтләнеп кардан төрле матур фигуралар ясадылар. Кайсы матур чыккан икән, анысын үзегез карагыз инде. Араларында кар кызы, кар бабайлар, яшел чыршы, чебиләр дә бар. Ерак түгел шуарга тау да ясап куйдык,хэтта. Килегез кунакка, бездә бик күңелле.

Безнең мәктәптә интернет-тестирование 13 декабрь  көнне  9  класслар өчен башланып китте.  Аннан  эстафетаны 8 класслар алды. Интернет белән килеп чыккан өзеклекләрне чутламаганда, тестирование әйбәт үтте.

Кыш та килеп җитте. Тиздән тимераякта шуарбыз. Шуны истә тотып мәктәпнең хоккей кортын матурладылар. Инде тигез итеп боз катламын гына катырасы калды.

Әниләр көне мәктәптә 26 ноябрь көнне уздырылды. Һәр класс укучылары әниләргә багышлап концерт номерлары башкардылар, биеделәр җырладылар. Соңыннан бәйрәм чәй табыны янында дәвам итте.