2017-2018

Республиканскому родительскому форуму «Крепкая семья – основа социализации учащихся: проблемы и тенденции»

Опубликовано: 20.10.2017
 

«Киләчәккә билет -2017»конкурсының муниципаль турында катнаштык. 9 нчы класс укучысы Ләйсән призер булды. Аның эше Казанга җибәрелде.

Шефлык эше

Илексаз мәктәбе укучылары, һөнәрләр белән танышуны дәвам итеп, редакциягә кунакка бардылар.  Алар эш турында, гәҗит чыгару серләрен, сайт яңалыкларын, хезмәткәрләребезнең профессия үзенчәлекләре турында бик кызыксыну һәм игътибар белән тыңладылар. 

 «Фестиваль театра» конкурсының  муниципаль турында катнаштык

Илкүләм "Икмәк көне" уңаеннан класс сәгатен башлангыч сыйныфларга Латыпова Саимә Фаяз кызы, ә өлкән классларга Бәдертдинова Резеда Илдус кызы уздырды

2017 елның 7 октябрендә табигатьне саклау буенча “Урман атнасы-2017” республика акциясе старт алды, аның оештыручысы булып ТР Урман хуҗалыгы министрлыгы тора. Акция урман ресурсларын саклау, яңадан җитештерү проблемаларына җәмәгатьчелек игътибарын җәлеп итү максатларында, шулай ук “Яшә, Урман!” россиякүләм акциясе кысаларында үткәрелә. 
Илексаз мәктәбе дә бу чарадан читтә калмады. “ Акция кысаларында 50 дән артык үсенте (чыршы, пихта, декоратив имән, чия, слива агачлары) утырттык Спонсорыбыз - Татарстан республикасы экология һәм табигать ресурслары министрлыгы Әлмәтнең "Көньяк-көнчыгыш" идарәсе инспекторы Маннапов Наил Ягфарович. укытучылар, мәктәп хеезмәткәрләре, барлык укучылар катнашында узды.

Юлларда шоферлардан гына түгел, ә җәяүлеләрдән дә зур игътибарлылык сорала. Бу юнәлештә Илексаз мәктәбе укучылары белән һәрвакыт зур эш алып барабыз. Бәла-казаларга юлыкмас өчен өс киемнәренә яктылыкны кире кайтаручы элемент лар тактылар. Укучыларны юл йөрү кагыйдәләренә өйрәтү буенча күләмле эш алып барыла. Район юл хәрәкәте иминлеге дәүләт инспекциясе вәкилләре белән очрашулар уздырабыз. Ә бүген исә мәктәп каршында ясалган җәяүле юлы аша чыгу тәртибе белән таныштылар, шулай ук юллардагы билгеләрне исләренә төшерделәр.
Бәлага юлыкмас өчен иң мөһиме игътибарлы булырга, ашыкмаска кирәк. Юлларда имин йөрик!

"Җирнең ясалма иярченен җибәрүгә 60 ел" тулу уңаеннан уздырылган муниципаль конкурста 5 нче сыйныф укучысы Рәилә (укытучысы З.Ә.Хуҗина) призер исемен алды. Афәрин, алга таба да уңышлар, Рәилә!

 Куркыныч та, кызыклы да булган һөнәрдер - җинаятьчеләрне эзләүче   һөнәре. Әлеге хезмәткәрләрнең төп бурычы - җәмгыятьтә гаделлек саклау, җәнҗал, гауга куптаручыларны, башбаштаклык эшләүчеләрне тыю. Ләкин алар шул ук вакытта үзләренең тормышларын да куркыныч астына куялар. Бу хезмәт йөз ел элек барлыкка килсә дә, аның тарихи тамырлары Киев вакытларына барып тоташа. Борынгы Русьта Ярослав Мудрый кануннар җыелмасы булдыра. Ул “Рус дөреслеге” дип аталып, кешеләрнең хокук нормаларын тәртипкә сала. Әлеге кануннарны  җинаять  кодексына беренче баскыч дип атарга була. XIX гасырда Петербургта һәм Мәскәүдә әлеге хезмәт бик югары дәрәҗәдә куелган була. Ләкин 1917 елдагы инкыйлабтан соң бик күп дәүләт органнары юкка чыга. 1918 елның 5 октябрендә НКВД төрле шәһәрләрдә  җинаять эзләү бүлекләре  ачу  турында карар чыгара. Шуннан соң, 5 октябрь - Җинаятьчеләрне эзләү хезмәткәрләре көне итеп кабул ителә. 

      Илексаз мәктәбе укучылары атнага бер тапкыр нинди дә булса һөнәр ияләре белән очрашу уздыра. Менә бу юлы да без очрашуга 20 елдан артык гомерен җинаятьчеләрне эзләүче   һөнәренә багышлаган, бүгенге көндә лаеклы ялда булган Гәрәев Риф Миңнулла улын чакырдык. Берсеннән-берсе куркынычрак  җинаятьләр  кылучылар белән эш иткән Риф абый укучыларның сорауларына тыйнак кына, төгәл итеп җавап бирде. Укучыларны бу һөнәр белән таныштырды, уку йортларын, алардагы  таләпләрне аңлатты. 

    Укучылар бу һөнәр белән бик кызыксындылар.