Китап сөючеләр дуслар Илексаз авылы китапханәсенә экскурсия белән бардылар. Китапханәче Закирова Әлфия апа аларга китапханә тарихын сөйләде, кемнәр эшләп киткәнлеге белән таныштырды. Шулай ук яңа кайткан китапларга күзәтү дә ясадылар.

I яртыеллык өчен 2-9 сыйныфларда контроль эшләр башланды. Белемнәр приказ белән расланган текстлар буенча күп фәннән төрле формада тикшерелә.

12  декабрь көнне Россия Конституциясен кабул итүгә 20 ел булды. Бу көнне, мәктәбебездә Конституция көненә багышланган информацион-дәрес булды. Аны тарих фәне укытучысы Хисаметдинова Азия Әхәт кызы уздырды.

“Ватаныбыз геройларын искә алу көне” уңаеннан Илексаз мәктәбендә ачык класс сәгате узды. Аны тарих фәне укытучысы Хисаметдинова Азия Әхәт кызы үткәрде. "Герой - пионерлар" исемле бу ачк класстан тыш чара балаларга ошады: презентация эшләделәр, "Бу геройны беләсеңме?" темасына тест та чиштеләр. Чара бик эчтәлекле үтте.

2 нче декабрь - "Халыкара Инвалидлар көне" уңаеннан мәктәп белән берлектә авыл мәдәният йортында  бәйрәм булып үтте. Анда ярдәмгә мохтаҗ кешеләр чакырылган иде. Җыр, бию, нәфис сүз белән кунакларны шатландырдылар, бәйрәм өстәл табыны артында дәвам итте.  Янәшәбездәге ярдәмгә мохтаҗларга һәрвакыт игътибарлы  булырга кирәклеккә тагын бер кат төшенделәр.

СПИДка каршы көрәш көне" уңаеннан һәр класста да класс сәгатьләре булып узды.

Илексаз мәктәбендә "Әниләр көне"нә карата "Әниемнең кочагы - изгелекләр учагы" исемле бәйрәм кичәсе булып узды. Анда әниләр кунакка чакырылган иде. Һәр гаиләгә карата презентация ясап күрсәтелде, Өлкән буын әни - Фәрхетдинова Әминә апа һәм үрнәк гаиләләр бүләкләнеп үтелде. Шулай ук бәйрәм җыр, бию, нәфис сүз белән үрелеп барды. Бәйрәмне Әһелтдинова Наилә Вил кызы әзерләгән иде.

Илексаз авылында Сарман районы ЮХИДИ бүлекчәсе яклавы астында "Тормышларыбызны саклап калыйк"дип аталган акция узды. Ул рейд формасында үткәрелде. Чарада Юл иминлеге программаларын финанслау дирекциясенең район бүлеге җитәкчесе Алсу Ситдыйкова, Сарман районы ЮХИДИ бүлекчәсе начальнигы, полиция майоры Дамир Йосыпов, Илексаз авылы төп гомумбелем бирү мәктәбенең тәрбия эшләре буенча директор урынбасары Азия Хисаметдинова һәм шул мәктәпнең 3-5 сыйныф укучылары катнашты. Акция барышында Яшь юл хәрәкәте инспекторлары, өлкән коллегалары ярдәмендә, автомобиль йөртүчеләрне туктатып, аларны районда юл һәлакәтләре статистикасы белән таныштырдылар, үзләренең теләкләре язылган хатлар тараттылар, юл кагыйдәләрен үтәүләрен сорадылар. Автомобиль йөртүчеләр шулай ук балаларга үз теләкләрен белдерделәр.

Республика Хөкүмәте эшче профессияләрнең абруен үстерүгә, яшүсмерләр арасында махсус урта белем бирү йортларын популярлаштыруга зур игътибар бирә. Әлеге максаттан инде бишенче  ел рәттән иң яхшы студентлар өчен «Лицеистлар балы» оештырыла. Быел бу чарага студентлар гына түгел, ә мәктәп укучылары да чакырылган иде. Моның исә сәбәбе дә бар - яшьләрне урта һөнәри белем бирү учреждениеләре белән таныштыруны мәктәп бусагасыннан ук башларга кирәк. Яшүсмер әлеге уку йортларына үз теләге белән, нинди һөнәр сайлаячагын белеп барсын. Әлеге эшчәнлекне тормышка ашыру максатыннан укучылар арасында «Киләчәккә билет» исеме астында республикакүләм иншалар бәйгесе оештырылды. Мәктәбебездән Дилүс Гыйлманов иншалар бәйгесендә катнашып, лауреат дипломы һәм акчалата сертификатка лаек булды. (Укытучысы - Гөләндәм Гөлүс кызы Хәлиуллина) Аны бу зур уңышы белән чын күңелдән котлыйбыз.

Җәмгыять белеме укытучысы Хисаметдинова А.А. ачык класс сәгате үткәрде. Укучыларга  “ Син хокукны беләсеңме?” дигән презентация күрсәтелде. Сарман районы полиция хәзмәткәре ОЧЧП һәм ПДН начальнигы подполковник Латипов И.И. укучылар алдында чыгыш ясады.