МБББУ "Илексаз төп гомуми белем бирү мәктәбе"ндә татар теле һәм әдәбияты укытучыларының район методик берләшмә утырышы булды. Ул "Яңа методик технологияләр кулланып, укучыларны дәүләт йомгаклау аттестациясенә әзерләү" темасы астында узды. Татар теле укытучылары Салихова Рәмзия Равил кызы һәм Хәлиуллина Гөләндәм Гөлүс кызы ачык дәрес күрсәттеләр. Дәресләрен сингапур методикасына нигезләнеп төзегәннәр иде. Шулай ук ДЙА турында да түгәрәк өстәл артында сөйләшү булды.

Һәр елны Илексаз мәктәбендә "Сөөмбелә" бәйрәме уза. Аңа укучылар бик теләп әзерләнәләр: җырлар, биюләр, шигырьләр өйрәнәләр. Аны Әһелтдинова Наилә Вил кызы әзерләп, алып барды. Бәйрәм табышмаклар, уеннар, скетчлар белән үрелеп барды. Бәйрәм бик күңелле үтте.

Укучылар көзге муллыктан күргәзмә ясадылар

Сезне чын күңелебездән гомер бәйрәмегез белән котлыйбыз һәм бар изге  теләкләребезне Фәнис Яруллин  сүзләре аша җиткерәсебез килә:

«Язмыш сезнең тез астына китереп сукса - егылмас өчен якасына ябышыгыз.

Утларга салса - үзегез аннан да көчлерәк яныгыз, шулвакыт кызуын сизмәссез.

Суларга ташласа - күбек булып өскә күтәрелмәгез - асылташ булып төпкә батыгыз, ялтыравыгызны күреп чумып алырлар.

Тузан итеп һавага күтәрсә - яңгыр тамчыларына кушылып җиргә төшегез.

Карурманнарда адштырса - кояшка карап юл сайлагыз.

Ташлар белән бастырса - чишмәгә әверелеп иреккә ургыгыз.

Җиргә күмсә - орык шикелле тишеп чыгыгыз.

Җилкәннәрегезне җилләр екса - сөюегезне җилкән итеп күтәрегез.

Нинди генә очракта да җиңәргә өйрәнегез.

Көчле рухлылар гына максатка ирешә ала.

Түземлеләр генә бәхеткә лаек!»

Бәхетле  булыгыз!

16-17 октябрь көннәрендә Илексаз мәктәбе укытучылары  сингапур методикасы белән белем алдылар. Ике көн дәвамында алар әлеге программаның белем бирү структурасын, методикасын өйрәнделәр. Казанда укып кайткан мәгариф бүлеге методистлары аларның тьюторлары булды. Белем алу җылы, дустанә атмосферада барды.

5 нче октябрь көнне Илексаз  мәктәбендә Укытучылар көне билгеләп үтелде. Бәйрәмгә ветеран укытучылар чакырылган иде. Концерт  бик күңелле булды. Аны Салихова Рәмзия Равил кызы алып барды.

Мәктәп яны тәҗрибә участогыннан кишер һәм чөгендер уңышы җыеп алынды

Яңа уку елы башланды.”Дәрестән соң мәктәп” кысаларында түгәрәкләр үз эшен башлап җибәрде. Барлык укучылар да түгәрәкләргә йөрииләр. Бигрәк тә спорт түгәрәген бик яраталар.

 1 нче октябрь көнне Илексаз авылы җирлегендә  "Өлкәннәр көне" уздырылды. Укучылар өлкәннәргә күңелле концерт әзерләгәннәр иде. Бәйрәмне Әһелтдинова Наилә Вил кызы алып барды.

Илексаз мәктәбендә 1-6 нчы сыйныф укучылары өчен ачык класс сәгате уздырылды. "Тәмәке белән тартучы да яна" дип аталган класс сәгатендә укучылар бик күп мәгълүмат алдылар. Презентация карадылар. Аны Нәбиуллина Гөлфирә Миннемхәмәтовна алып барды.