8 нче апрель көнне "Илексазым - моңлы сазым" проектын башлау эше буенча очрашу үткәрелде. Әлеге эшне башлап җибәрүче - шушы авылда туып-үскән, хәзерге вакытта Әлмәт шәһәрендә яшәүче эшмәкәр Фәрхетдинов Илсур Мәкъсүт улы. Проект кысаларында, "Тамырлар" фонды белән берлектә, Илексаз авылы тарихын барлау, шәҗәрәләр төзү, авыл халкы беләң әңгәмәләр үткәрү һ.б. күздә тотыла. 

Илексаз балалар бакчасында "Мәктәпкәчә тәрбия бирү учреждениеләрендә cәнгатьчә-эстетик тәрбия" конкурсына әзерлекнең соңгы этабы бара. 

Мәктәпнең гомуми линейкасында сыерчык оялары конкурсына, рус теле һәм  әдәбияты атналыгы кысаларында уздырылган бәйгеләргә йомгак ясалды. Шулай ук Клара Булатова исемендәге конференциядә катнашып җиңү яулаган 9 нчы сыйныф укучысы Ф. Илназ һәм лауреат исемен алган 4 нче сыйныф укучысы Х. Гүзәлне уңышлары белән тәбрикләп үттек. "Йолдызлык - 2016" катнашкан 4 нче сыйныф укучысы Н. Гүзәлне исә мәдәният йорты исеменнән котлап, картина бүләк иттеләр.

Көлке көне уңаеннан 5 нче сыйныф укучылары "Көлке көлә килә" дип исемләнгән стена газетасы чыгарды. 

Бүген мәктәпкә педагог-психолог Гәрәйшина Гөлфинә Рәкыйп кызы килде. Ул беренче сыйныф укучыларының психологик үсешен тикшерде; мәктәпкәчә яшьтәге балаларның әзерлк дәрәҗәсен анализлады.

Бөтендөнья кошлар көне уңаеннан мәктәптә иң яхшы сыерчык оясына конкурс үткәрелде. 

Туберкулезга каршы көрәш декадасын йомгаклау аолдыннан, 5-9 нчы сыйныф укучылары арасында анкетирование уздырылды. Укучылар күпчелек сорауларга дөрес җавап бирделәр, булган хаталарын төзәттеләр.

9 нчы сыйныф укучыларының экзаменга әзерлекләрен ныгыту максатыннан, бүген рус теленнән консультация үтте.

Бүген татар теленнән имтиханга әзерлек консультациясе үтте.