Бүген балалар бакчасында кунакта булдык. Лагерыбызга йөрүче балалар үзләре әзерләгән концерт программасы белән чыгыш ясады. Нәниләр дә җавапсыз калмады: матур-матур шигырьләрен сөйләделәр. Соңыннан бергәләшеп күңелле уеннар да оештырдык.

Бүген иҗади остаханәбездә пластилиннан төрле җәнлек, кош сыннары ясарга өйрәндек.

Бүген бөтен лагерыбыз белән тырышып, арып-талып, асфальтта төсле акбурлар ярдәмендә рәсемнәр ясадык. Мәктәп алды мультфильм геройлары, аллы-гөлле чәчәкләр, төрледән-төрле техникадан торган зур келәмне хәтерләтеп калды. Балаларга әлеге шөгыль бик нык ошады.

Бүген лагерыбызда спорт ярышлары гөрләп узды. Балалар, ике командага бүленеп, вакытка төрле күнегүләр ясадылар. Нәтиҗәдә дуслык җиңде!

Бүген, тәрбияче апалары Гөләндәм Гөлүсовна җитәкчелегендә, балалар салфеткадан лотос чәчәге ясарга өйрәнделәр.

Буген Илексаз җирле үзидарә советы Илексаз һәм Морбаш авыллары балаларына Кече сабантуй бәйрәме үткәрделәр. Милли бәйгеләр лагерьга йөрүче балалар әзерләгән концерт программасы белән үрелеп барды. Әлеге көн барыбызга да бик нык ошады. Бу бәйрәмне әзерләгән өчен авыл җирлеге башлыгы Флүр Мусабировичка һәм оештыручы апаларга рәхмәтебезне белдерәбез.

Буген лагерыбызга кино килде. Балалар "Элвин һәм борындыклар" киносын  яратып карадылар.

Җәйге лагерыбызда Илексаз җирле үзидарә советы оештырган балалар сабантуена әзерлек башланды. Балалар шигырьләр ятлыйлар, җыр һәм биюләр өйрәнәләр

Яңгырлы көннәрдә саф һавада уйнап булмый, дип аптырап тормыйбыз, мәктәп эчендә дә үзебезгә шөгыль табабыз. Бүген, мәсәлән, җәнлек рәсемнәре буядык, аларныж кайда яшәве, нәрсә белән туклануы һ.б. турында кызыклы мәгълүматлар алдык.

Бүген лагерыбызда шахмат һәм шашка ярышлары үткәрдек.