Башлангыч сыйныф укучылары арасында Гаилә көненә багышланган "Минем гаиләм" рәсем конкурсы үткәрелде. Җиңүчеләр дип 3 нче сыйныф укучылары Нәбиуллина Гүзәл, Шәймиев Равил, 4 нче сыйныф укучысы Хәлиуллина Гүзәл табылды. 5 нче һәм 8 нчы сыйныф укучылары (класс җитәкчеләре Бәдертдинова Р.И., Нәбиуллина Г.М.) бәйрәм хөрмәтенә стена газеталары да чыгарды.

15 нче май - Гаилә көне уңаеннан мәктәптә "Гаилә - бедәмлеге белән көчле" дип исемләнгә гомуми класс сәгате үтте. Әлеге әңгәмә формасында үткәрелгән чарада укучыларга гаилә кыйммәтләренең мөһимлеге, татар халкының гаилә йолалары турында мәгълүмат бирелде. Укучылар үз гаиләләре турында сөйләделәр, гаилә темасына караган кроссворд чиштеләр. Соңыннан рәсем конкурсында җиңүче укучыларны бүләкләү булды.

Психолог Галялиева Винера Николаевна 12 нче май көнне 9 нчы сыйныф укучылары белән тренинг үткәрде.

Укучылар Илексаз авылында Җиңү көне уңаеннан үткәрелгән бәйрәм парадында концерт программасы белән катнаштылар. Шулай ук мәктәп коллективы исеменнән яу кырында ятып калган ватандашларыбыз истәлегенә венок салынды.

Илексаз авылы тарихын язу буенча "Тамырлар" фонды вәкилләре белән чираттагы очрашу булды.

Укучылар белән берлектә 9 нчы май - Җиңү көненә багышланган плакатлар яңартылды. Аларда Илексаз авылыннан чыккан Бөек Ватан сугышында катнашучылар турында мәгълүмат урын алды, укучыларның ветераннар белән очрашуларыннан алынган фоторәсемнәр урнаштырылды.

Башлангыч сыйныф укучылары Нәбиуллина Гүзәл, Әһлетдинова Адилә, Шәймиев Равил, Фәрхетдинов Илхам "Куркынычсыз тәгәрмәч" республика конкурсының район турында катнаштылар.

Мәктәп яны территориясендә язгы бакча эшләре дәвам итә. Бүген укучылар суган, кишер һәм чөгендер утырттылар.

"Мин татарча сөйләшәм!" акциясе кысаларында Г. Тукай тууга 130 ел тулу уңаеннан уздырылган район конкурсында безнең мәктәптән Фәрхетдинов Илназ (9 нчы класс), Мәҗитов Ленар, Байхуҗина Аида, (8 нче класс), Салахова Ләйсән (7 нче класс) катнаштылар. Фәрхетдинов Илназ 2 нче урын алып, кыйммәтле бүләккә лаек булды. 

26 нчы аперль көнне "Сарман мәгълүмат-мөхәррият үзәге"  һәм үзәк китапханә уздырган шигырь бәйрәмендә катнашып, мәктәбебез командасы грамотога лаек булды. Шулай ук татар теле һәм әдәбияты укытучысы Хәлиуллина Гөләндәм Гөлүс кызына да, яшь буында туган телгә хөрмәт, мәхәббәт тәрбияләүгә керткән өлеше өчен рәхмәт йөзеннән, грамота тапшырылды. Моннан тыш, катнашучыларга "Бөек Ватан сугышы һәм туган якны өйрәнү" музеена экскурсиягә билет тапшырылды. Мәктәп командасын җиңүләре белән котлыйбыз, киләчәктә дә зур уңышлар телибез!