Бүген Юлбат, Йосыф-Алан, Тенеки авылында яшәүче укучыларыбыз клуб хезмәткәрләре белән берлектә үткәрелгән “Нәүрүз” бәйрәмендә катнаштылар.

Балалар иҗат үзәгендә районыбыз мәктәпләре арасынд Шаяннар һәм тапкырлар клубының финал ярышы үтте. Мәктәбебезнең “Махеев” командасы әгъзалары иптәшләренең чыгышларын зур кызыксыну белән карадылар. Ә үзләре ярымфиналда актив катнашканнары өчен “Рәхмәт хаты” белән бүләкләнделәр.

Укучыларыбыз: Фәтхриев Рушан, Хаҗиев Руслан, Әгъләметдинов Әлфис, Фәтхриева Алсинә, укытучыларыбыз Гатиятов Р.Р., Далетшин Н.И. Лесхоз бистәсендә данлыклы урманчы Н.Минниханов истәлегенә оештырылган шахмат ярышында уңышлы катнаштылар. Нияз Ильгизович гомуми нәтиҗәләр буенча 1нче урынга лаек булды. Аны җиңүе белән кайнар котлыйбыз!

 “Баш иябез Бөек елларга”  акциясе дәвам итә. Каникул көннәрендә  дә укучылар тыл ветераннары  белән очрашып, аларның истәлекләрен язалар, хәлләрен белешәләр.

В целях популяризации направления «Робототехника» среди обучающихся школ и обмена опытом участников соревнования 22 марта на базе МБУ ДО «Центр детского творчества Сабинского муниципального района РТ» прошли зональные соревнования по робототехнике «Робот-2016». В соревнованиях участвовали 55 учащихся из Сабинского образовательных учреждений. Хазиев Руслан и Валиев Ильгизар заняли 3 место по категории «Кегельринг», руководитель Давлетшин Н.И.  Молодцы, ребята!

Каюмова Ясминә җитәкчесе Дания Гайфетдинова белән Арча шәһәрендә узган “Илһам” конкурсының зона турында катнаштылар. Яшь каләмчегә алга таба да уңышлар юлдаш булсын.

Язгы каникуллар башланып китсә дә,  9 ларыбыз өчен сынаулар дәвам итә. Алар үзләренең белемнәрен янәдән сынап карыйлар: рус теле, математика, татар теле һәм сайлап алу фәннәреннән побный имтиханнар тапшыралар. Шулай ук мәктәптә өстәмә шөгыльләнүләр дәвам итә.

Каникулның  беренче  көнендә үк   мәктәбебезнең бертөркем укучылары Шәмәрдәндә узган “Зарница - 2016” хәрби-патриотик уеннарында  катнаштылар. Алар стройда җырлап бару, мылтык сүтеп җыю, төз ату, турникта тартылу, эстафета һ.б. ярышларда көч сынаштылар.

Бүген мәктәбебездә әти-әниләр җыелышы булып узды. Фельдшер Харисова Лилия  “Туберкулез һәм аны кисәтү чаралары” темасына  чыгыш ясады. Укыту эшләре буенча директор урынбасары Шафикова Э.Ф. 3 нче чирек йомгаклары, ОГЭ, 9нчы сыйныф укучылары алдында торган бурычлар,  Габделхаева Г.Р. 3 нче чиректә тәрбия эшчәнлеге,  каникул планы белән таныштырды. Мәктәп директоры ФәргатьТәлгатович мәктәп эшчәнлегенә карган  төрлеләр буенча чыгыш ясады. Соңыннан әти-әниләр индивидуаль сөйләшүләргә таралдылар.

   Ата -аналарның игътибарын балаларның китап - журналлар, матур әдәбият белән кызыксынуына юнәлтү, әкиятләр аша балалар тәрбияләүнең әһәмиятенә төшендерү, өйдә китапханә булдыруга омтылыш тәрбияләү, гаиләдә бергәләп укуның файдалы якларын ачу максатыннан 3,4 сыйныф укучылары һәм әниләре катнашында “Китаплы гаилә - бәхетле гаилә”  дип исемләнгән уен - дәрес үткәрелде. Уен-дәрес китапларның әһәмияте хакында таныштыру белән башланып китте. “Өч сорау” әкияте буенча башланып киткән китаплар иленә сәяхәт “Әсәрләрне таны”, “Сорау миннән-җавап сездән”, “Парны тап”, мәкальләр әйтешү, китап турында шигырьләр уку һәм башка уеннар белән үрелеп алып барылды. Уен - дәрес балаларга, әти-әниләргә китап укуның әһәмияте, китапны кадерләп саклау турындагы киңәшләр  бирү белән тәмамланды.