Көн бик күңелле үтте. Иртәнге аштан соң, балалар өчен кече Сабантуй үткәрелде. Төрле  спорт  уеннарында  көч сынаштылар. Җиңүчеләргә грамоталар һәм бүләкләр тапшырылды.  Балалар күтәренке рухта өйләренә таралыштылар. 

Күңелле һәм рәхәт тә соң “Хыял” лагерында. Көн саен төрле - төрле чаралар уздырылып тора. Бүген исә, “Район, авылыбызның күренекле кешеләре” дигән темага җыен үткәрелде. Балалар өчен бик күп мәгълүмат бирелде. Гитарыга кушылып җырлар җырланды. Шахмат ярышыннан соң, саф һавада уеннар белән көнебез тәмамланды.

Көнебез, иртәнге физзарядка ясау белән башланып китте. “2016 ел “ТР да сулыкларны саклау” елы буларак, “Яшә, чишмә” акциясе үткәрелде. Чишмәләр турында ачык чарадан соң, авылыбызның  чишмәләренә барып, аларның хәлләрен белеп, өмә оештырылды. Көннең икенче яртысында  шашка ярышы оештырылды, балалар бик теләп катнаштылар.

“Хыял” лагерының алтынчы көне “Нарат” боз сараена экскурсия буларак истә калды. Күп энергия, көч алып кайттылар. Шул ук вакытта урман музеена керү мөмкинлеге дә булды. Экскурсовод бик эчтәлекле чыгыш ясады. Балалар бик канәгать калдылар.

“Хыял” лагерының бишенче көне   стенагазета  ясау белән башланып китте. Ике  командага, “Йөгерүчеләр” һәм “Сикерүчеләр”  гә  бүленеп,  күңелле стартлар бәйгесендә  катнаштылар, спортка кагылышлы сорауларга җавап бирделәр.  Җиңү  “Сикерүчеләр” командасына елмайды.  Соңыннан  “Робототехника”   түгәрәгенә  йөрүче,  5 сыйныф укучылары,   робот серләре белән уртаклаштылар

Лагерның 4 көне “Ничек яшисең ветеран?”, “Обелиск” акциясе  темасына багышланды. Балалар,  авылыбызның сугыш ветераннары турында  “Беркем дә, берни  онытылмый! Батырлар даны МӘҢГЕЛЕК!” дип исемләнгән  презентация аша таныштылар. Соңыннан җыелып  Бөек Ватан сугышында һәлак булганнарга куелган обелискка  сәяхәт кылдылар. “Рыцарьлар турниры”нда да бик теләп катнаштылар. Көн саф һавада хәрәкәтле уеннар белән тәмамланды.

“Хыял” лагеры  үз эшен дәвам итә. Бүген балалар  авылыбыз китапханәсендә һәм мәдәният йортында экскурсиядә булдылар. Хезмәткәрләр “Мин яшәгән авыл” дигән темага чыгыш ясадылар. Авылыбыздан чыккан күренекле шәхесләр белән таныштырдылар. Ике командага бүленеп үткәрелгән эстафета да  балалар күңеленә хуш килде.  “Әйдәгез дус булыйк” дигән  рәсемнәр конкурсы белән көнебез тәмамланды.  

Лагерьның икенче көне дә үтеп китте. Бүген балалар юл йөрү кагыйдәләрен исләренә төшереп, “Светофор” дип исемләнгән чарада катнаштылар. Шулай ук туган авыллары килеп чыгышы, ни өчен Юлбат, Тенеки дип аталуы турында кызыклы  материаллар белән таныштылар. Көн дәвамында төрле   күңелле спорт уеннары да уздырылды.