22 июнь илебезгә кайгы –хәсрәт алып килгән көн булып санала. Без “Свеча памяти” акциясенә кушылып, сугышта һәлак булган авылдашларыбызны искә алдык. Партизаннар һәм подпольщикларның кемнәр икәнлеген, өлкәннәр белән беррәттән партизан булган балалар турында күп мәгълүмат белдек. Аларны бер минутлык тынлык белән искә алдык. Көнебез авыл уртасына урнашкан обелискка чәчәкләр кую белән тәмамланды.

“Хыял”  лагерының тагын бер көне артта калды. Бүген без янгынга каршы көрәш чаралары белән таныштык. “Спасатели спешат на помощь” чарасы үткәннән соң, “Без янгынга каршы” дип исемләнгән рәсем  конкурсы үткәрдек. Шулай ук мәктәп яны бакчасындагы чәчәк түтәлләренең дә “хәлләрен” белеп кердек. Бергәләп дару үләннәре җыйдык.

“Наркотиксыз тормыш” акциясе  кысаларында китапханәче тарафыннан  күргәзмә  куелды. Иртәнге линейкада “Зарарлы гадәтләр безгә юлдаш түгел” дип исемләнгән чара уздырылды. Соңыннан балалар " Без наркотикларга каршы" дигән темага рәсемнәр ясадылар.   

20 июнь көне безнең күңелләрдә озак сакланыр. Чөнки бүген безнең “Хыял” лагерына Шәүкәт Биктимиров исемендәге район мәдәният йортыннан кунак-артистлар килде. Клоун Гөлзилә һәм Ләйсән апалар нинди генә уеннар уйнатмадылар. Ә уеннар арасында яшь артистлар үзләренең матур җырларын бүләк иттеләр.

Эй,  мактана балыкчы, су буенда балыкчы, дип җырлыйлар бит. Менә без дә бүген күл янында рәхәтләнеп  балык тоттык. Күбебезгә балык эләкте. Ә менә иң күп балык тотучы исеменә Искәндәр Хәмитов лаек булды. Шулай ук көн дәвамында күңелле уеннар уйнап алырга да өлгердек.

Лагерыбызның 15 нче көне артта калды. Бүгенге көн чараларга бай булды.  Иң беренче “Самый умный”  уен - викторина үтте. Аннан соң полиция хезмәткәрләре  Фәрит абый Шигабиев һәм Әдилә апа белән очраштык. Алар белән бергәләп  ” Юл йөрү”, волосипедтта йөрү кагыйдәләрен искә төшердек. Авылыбыз фельдшеры Лилия апа Харисова су коенганда, корт чакканда, эссе сукканда нинди беренче ярдәм күсәтеп булуы һәм саклану чаралары турында аңлатты.  Көн давамында татар халкының хәрәкәтле уеннарын уйнап алырга да өлгердек. Көнебез Юлбат авылы китапханәсенә сәяхәт белән тәмамланды.

«Хыял» ял һәм сәламәтләндерү лагерындагы санаулы көннәр үзып бара. Бүген без “Урман безнең байлыгыбыз” темасына викторина уздырдык. Лесхоз бистәсендә “Урман” музеена кереп алган белемнәребез викторина вакытында ярап куйды. Шулай ук көн давамында төрле уеннар уйнау да безнең күңелләргә хуш килде.

   Күңелле лагерь көннәре дәвам итә... 15 нче июнь көнне "Хыял" лагерында ял итүчеләр вожатыйлар һәм әти - әниләр белән берлектә Казан шәһәрендә  экскурсиядә булып кайттылар. Әлеге сәяхәт балалар күңелендә матур мизгелләр булып истә калыр. Укучыларны FUN 24 күңел ачу үзәгендә күп төрле  уеннар: роликларда йөрү, 5D залында кызыклы мультфильмнар карау, футбол, хоккей уеннары ,мылтыктан ату, тупны кәрзингә атып очко җыю, лабиринтта, машиналар да йөрү һәм башка бик күп уеннар көтә иде. Әлбәттә һәр уен балаларның күңеленә хуш килде. Казан шәһәренең Галиәскәр Камал театры,  Г.Тукай  һәйкәле, Бауман урамы  буйлап Кремльгә җәяүле  сәяхәт тә балалар өчен бик файдалы һәм кызыклы булды. 

Бүген, “Хыял” лагерына йөрүче укучылар Саба мәдәният йортында  Т.Миңнуллинның “Әйт әле күбәләк” спектакеле карадылар. Балалар өчен бик кызыклы булды. Соңыннан экскурсиябезне “Туган як музеенда” дәвам иттек. Безгә монда бик тирән эчтәлектә чыгыш ясадылар. Аерым фәннәрне тирәнтен үзләштерү мәктәбендә  урнашкан психологик үзәктә тынычлык алдык. “Олимп” стадионында   үзебезгә,  көч туплап, мәктәбебезгә  кайттык. 

Көн бик күңелле үтте. Иртәнге аштан соң, балалар өчен кече Сабантуй үткәрелде. Төрле  спорт  уеннарында  көч сынаштылар. Җиңүчеләргә грамоталар һәм бүләкләр тапшырылды.  Балалар күтәренке рухта өйләренә таралыштылар.