28 нче апрельдә    балалар иҗатының  «Сәләтле балачак – өметле киләчәк” исеме астында үткән  XVI  район конкурс - фестиваленең  йомгаклау өлеше үтте. Анда безнең укучыларыбызның да  уңышлары  зур булды. Сәйфуллин Илсаф( 2 кл.), Валиев Илгизәр (5 кл.) “Вокал - соло” номинациясендә 3 урынга (җитәкчеләре: Аубакиров Ф.Г.), «Вокал ансамбль» номинациясендә курайчылар ансамбле (7 кл) 2 урынга (җитәкчеләре: Аубакиров Ф.Г.), “Модерн” бию төркеме (2-3 кл.) 3 урынга  (җитәкчеләре: Давлетшина А.Ф.) лаек булдылар. Укучыларыбызны уңышлары белән котлыйбыз.

29 апрель көнне 5 - 6 сыйныф укучылары белән берлектә М.Твенның “Том Сойер маҗаралары” әсәре буенча  әдәби квест үткәрелде. Укучылар 6 станция  буенча сәяхәт иттеләр. Нәтиҗәдә “Кыюлар” командасы җиңү яулады.

17 мая – Международный день Детского телефона доверия. В связи с этим по Республике Татарстан с 25 апреля по 17 мая проходит месячник Детского телефона доверия. И в нашей школе проводятся мероприятия, посвященные этой дате. С учащимися проводятся тематические уроки и классные часы, для них готовятся буклеты, информационные листовки о Международном «Телефоне доверия».

2016 елның 20 маенда Советлар  Союзы Герое  Алексей Петрович Маресьевның тууына 100 ел. Шул уңайдан 28 нче апрель көнне “Батырлык нәрсә ул?” дигән темага сыйныф сәгате үткәрелде. Укучылар А.П.Маресьевның тормыш юлына  тукталып, кылган батырлыгы хакында фикер алыштылар. Сыйныф сәгатендә яңгыраган мәкальләр дә,шигырьләр дә батырлык хакында иде. Сәламәт кешеләр дә эшли алмаган  кыюлык  күрсәтән А.П.Маресьевның батырлыгына сокланмыйча мөмкин түгел!

Бөек татар шагыйре Габдулла Тукай тууына 130 ел уңаеннан мәктәбебездә әдәби музыкаль кичә үтте. Кичәдә  һәр сыйныф актив катнашты. Кичә шагыйрь иҗатының бөеклеген тану, аның халыкчанлыгын күрсәтегә юнәлдерелгән иде.

   Бүген мәктәбебезнең укучыларына Җир Хартиясе тормышка ашырыла башлавына 15 ел тулу уңаеннан һәм  “Чиста су” программасы буенча сыйныф сәгатьләре үткәрелде. Татарстан Россиядә генә түгел, ә дөньяда табигать һәм кеше хокукларын яклаучы Җир Хартиясе нигезләрен беренчеләрдән булып гамәлгә керткән төбәк.
 Шушы узган унбиш елда Татарстан бу өлкәдә кабатланмас тәҗрибә туплады. Быел Су саклау зоналары елы буларак игълан ителүе дә – шушы эзлекле эшчәнлекнең бер өлеше. Һәм шушуы уңайдан бүгенге  «Чиста су» программасы буенча үткәрелгән сыйныф сәгатендә укучыларга су турында күп мәгълумат бирелде.

Бүген, 26 апрель көнне, мәктәбебезнең татар теле һәм әдәбияте укытучысы Галимулллина Дания Гайфетдиновна җитәкчелегендә  лекторлар 5-9 сыйныф укучыларын Габдулла Тукай музейлары белән таныштырды. Укучылар бөек шагыйрьнең Кушлавыч, Кырлай,  Җаек,  Казандагы музей-йортлары, шәхси әйберләре турында бик кызыксынып тыңладылар.Шулай ук Саба төбәгеннән чыккан танылган рәссамнар,язучылар,сынчылар  иҗатында Габдулла Тукай образы тасвирлануы укучыларда зур кызыксыну уятты. 

   Быел бөтен татар дөньясы бөек Тукаебызның 130 еллык юбилеен билгеләп үтә. 8 нче сыйныфта үткәрелгән сыйныф  сәгате дә Тукай иҗатына, аның әсәрләренең тәрбияви ролен күрсәтүгә  багышланган иде. Сыйныф җитәкчесе Фәһимә Гаптелфәтовна Тукайның балачак тормышына тукталды, аның балачак мизгелләрен, үсмер чорын, иҗат эшчәнлеген  слайдларда яктыртты.   Каюмова Ясминә үзенең “Тукай иҗатында тәрбия мәсьәләләренең чагылышы” дигән темага әзерләгән фәнни эше белән  чыгыш ясады. Әлеге эше белән Ясминә Шиһабетдин Мәрҗәни исемендәге республика фәнни-гамәли конференциясендә чыгыш ясап, 3 нче призлы урынга лаек булган иде.

6 класста Г.Тукайның  тууына 130  ел тулу уңаеннан  «Г.Тукайның яшьлек еллары»  темасына  сыйныф сәгате узды. Укучылар  Г.Тукайның  балачагын  искә төшерделәр. Хәзерге Уральск  шәһәреннән Казанга килгән чоры һәм иҗаты белән таныштылар. Г.Тукайга иҗат итү өчен язмыш тарафыннан бары сигез генә ел вакыт бирелүен,  1905 елда аеруча ялкынланып яза башлаган каләменең 1913 елның апрелендә туктап калуы, ләкин зур талантларның гомер озынлыгы еш кына аның ничә ел каләм тибрәтүе белән түгел, бәлки нинди әдәби мирас калдыруы белән билгеләнүен карап үттеләр. Укучылар дәрестә Тукайның замандашлары Г.Камал , Ф.Әмирхан белән аралашулары турында да мәгълүмат алдылар.Соңыннан Зәйтүнә белән Г.Тукай турында эшләнгән видеоязма  карадылар.

22 апрель көнне Юлбат төп мәктәбендә  тормыш  иминлеге нигезләре  укытучысы Мөбәрәкҗанов Р.Р. ачык дәрес үткәрде. Дәрескә  30 ел элек Чернобыль атом электр станциясендә  булган авария нәтиҗәләрен бетерүдә катнашкан авылдашларыбыз чакырылган иде.