Бүгенге көн иртәнге гимнастикадан башланды. Укучылар ике командага бүленеп башваткычлар чиштеләр, тапкырлар һәм зирәкләр билгеләнде.Татар халык уеннары укучыларга бик ошады.Җырлы-биюле уеннарны бик теләп уйнадылар укучылар.

Иртәнге аштан соң, укучыларыбыз Сабага юл тоттылар. Психологик үзәктә булдылар, биредә аларга бик ошады. Уеннарда бик теләп катнаштылар.Ял итү паркында рәхәтләнеп күңел ачтылар.Мәктәпкә кайткач,"Күңелле стартлар"да үзләренең көчләрен сынадылар.Бүгенге көн бик күңелле үтте.

Бүген укучыларыбыз Сабага экскурсиягә юл тоттылар. Психологик үзәктә укучыларыбызга бигрәк тә ошады. Психологлар алар белән кызыклы тренинглар үткәрделәр. Стадионда  кызыклы уеннар, рәсем конкурсы оештырылды.

Бүгенге көн Мингәр авылына бару белән истәлекле булды.Балалар якташыбыз Шәүкәт Биктимеров музеена сәяхәт ясадылар, аның иҗаты, тормышы белән якыннан таныштылар. Көндезге аштан соң,  отрядлар арасында шашка ярышы уздырылды.1 урынга Гараев Рәзил, 2 урынга Дәүлиев Рәзиф, 3 урынга Хазиев Раян лаек булдылар.Аларны тәбриклибез!