"Шатлык" лагеренда экология атнасы дәвам итә.Бүген "Безнең сулыкларыбыз" темасына проект эшләре башкарылды."Көчсез звено" уены табигать фәне турындагы сорауларны үз эченә алган иде.Укучыларыбыз әлеге уенда бик теләп катнаштылар, сорауларга бик тиз җаваплар  таптылар.

Көнебез иртәнге гимнастикадан башланды.Авыл китапханәсенә , авыл буенча экскурсия оештырылды.Көндезге аштан соң шахмат, шашка ярышы үткәрелде, нәтиҗәләр чыгарылды.

Кояшлы көн укучыларыбызга күтәренке кәеф бүләк итте, чөнки безнең көнебез экскурсиядән башланды.Туган ягыбыз табигатенә иде сәяхәтебез.Табигатькә сокланып, матурлыгы белән хозурланып кайтты балалар.Көндезге аштан соң, волейбол ярышы үткәрелде.

"Шатлык" лагере укучылары башкалабыз Казанга сәяхәт иттеләр.Сәяхәтебез укучыларның күңелләренә бик хуш килде.Рәхәтләнеп ял итеп, истәлекле урыннарны күреп кайттылар.

Укучыларыбыз лагерьга бик яратып йөриләр.16 нчы көнебез дә сизелмичә үтеп китте.Бу атна "Экология" исеме астында уза.Укучыларыбыз Изгеләр чишмәсендә булдылар, аның тирә-ягын чистарттылар.

Укучыларыбыз өчен  тагын бер көн артта калды. Иртәнге аштан соң укучыларыбыз Мишә буена сәяхәт иттеләр. Рәхәтләнеп ял иттеләр,уеннар уйнадылар,балык тоттылар.Көннең икенче яртысында хезмәт лагерена йөрүче укучылар бәйрәм концерты оештырдылар.Бик матур, эчтәлекле һәм тәрбияви чара булды.

Лагерьның 12 нче көне балалар өчен кызыклы үтте.Отрядлар арасында "КВН", "Күңелле стартлар" уеннары үткәрелде.

"Шатлык" лагеренда бүген Россия көне уңаеннан чаралар үткәрелде. Көнебез гимннан башланды, конкурслар белән дәвам итте.Татар халык уеннарын да укучыларыбыз бик яратып уйнадылар.

Укучыларыбыз бүген "Туган телем-татар теле" дип исемләнгән чарада теләп катнаштылар.Тапкыр, зирәк укучылар билгеләнде.Көннең икенче яртысында дару үләннәре белән таныштылар."Туган җирем- Татарстан" презентациясе аша файдалы мәгълүмат алдылар.