Иртәбез күңелле зарядкадан башланды. Сәйләннәр белән эшләү шөгыле һәркемгә ошады.Укучылар бик яратып брелоклар, җиләк-җимешләр ясадылар. Аннан соң чишмәләрне чистартып кайттылар.Көн ахырында "Кем тизрәк? " уен-ярышы үткәрелде.Җиңү өченче отрядка бирелде.

Лагерьда тагы  бер көн артта калды.Иртәнге гимнастика белән көнебез башланды.Кызыклы туган тел дәресеннән соң укучыларыбыз һөнәрләр иленә сәяхәт кылдылар. Авыл җирлегендәге оешмаларның эшчәнлекләрен өйрәнделәр.Көндезге аш тәмамлангач, музей тарихы белән таныштылар. Урамда хәрәкәтле уеннар һәркемгә ошады.

Лагерьның 11 нче көнен гөрләп үз эшен башлап җибәрде. Иртәнге аштан соң " Начар гадәтләрне булдырмыйк!" дигән темага әңгәмә-дәрес үткәрелде, видеоязма каралды. Аннары татар халык уеннары уйналды. Көндезге аштан соң шахмат ярышы оештырылды, җиңүчеләрне билгеләдек, медальләр белән буләкләнде.

Укучылар лагерьга теләп йөриләр.Кызыклы биология дәресендә күп төрле мәгълүматлар алдылар, җиңү 4 отрядка бирелде.Дару үләннәре белән танышу файдалы булды.Көнебезне "Күңелле стартлар" белән тәмамладык.